2 Samueli 5:21 - Amazwi Yakwe Leza 2013

²¹ Lino aina Filisti yutwike nu kusya utuluwi twao papa kwene, Davidi na antu yakwe yatusenzile.

2 Samueli 5:21 Referans Kwoze

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.

Yelemiya 43:12

Aloca amang'anda yano yakapepelamo tuleza twamu Eguputo. Alatoca nanti kutusenda mu mpanga ya inamasi. Alazifya impanga ya Eguputo wakwe vino kacema akasola inda mu vyakuzwala vyakwe. Nupya alafuma mwenemo ukwaula nanti umukwangu.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Yelemiya 48:7

Pamulandu wakuti mwemo mwataila mu vicitwa vinu nu mu vyuma vinu, namwe kwene mulasendwa mu uzya, nga na Kemosyi alasendwa mu uzya, kumwi na yasimapepo yakwe nga na makombe yakwe.

Danieli 11:8

Wene alaswilizya ku Eguputo amaunkolanya yao yakwe tuleza twao nga na vyakwe zaabu na siluva ivyapilwe kuli tuleza tutu. Lyene alatala asye umwene waku katutu apacisila ca myaka imwi.