2 Samueli 24:10 - Amazwi Yakwe Leza 2013

¹⁰ Lelo pacisila lino Davidi wamala ukupenda antu, kampingu wakwe atandika ukucululuka, nga anena Yawe ati, “Natincita iifyo ilipisye apakucita icintu cii! Napapata unjelele. Nemo natincita icauwelewele.”

2 Samueli 24:10 Referans Kwoze

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

1 Samueli 13:13

Samueli nawe amwaasuka ati, “Waliwacita ivyauwelewele. Watukana ukusunga isunde lino Yawe Leza wako wakunenyile. Ulisunga sile, wene wange aleke wewe na amu mupanda wako yateeka aina Izlaeli amanda pe.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

1 Samueli 24:5

Lelo Davidi auvwa uyi pa kusentula isempele lya mwingila wakwe Saulo,

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

1 Milandu 21:8

Lyene Davidi ailongwela kuli Leza ati, “Natinifya wakwe cimwi apakucita icintu cii. Lyene napapata, njelela ne muomvi wako. Natincita icauwelewele sana.”

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yoane 8:9

Nao lino yuvwa cii, yonsi kwene yafuma wenga wenga, kutandika ku mukalamba kufika nu ku munono. Yesu asyala wenga nu mwanaci ala aimi papa kwene.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Mako 7:22

kulongozya, lunkumbwa, vintu vyonsi viipe, intumpu, ukowezi, uzuwa, kutumpwila, vilumba, nu utumpe.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

2 Milandu 32:26

Lyene Hezekiya aicefya nu kuzenzuka ku cilumba cakwe, ndi vino na antu aikalanga mu Yelusalemu yacisile. Icaleka ukali wakwe Yawe utayaponile mu manda ya umi wakwe Hezekiya.

1 Samueli 26:21

Lyene Saulo avwanga ati, “Natinifya. Wela kuno, we Davidi mwanane. Pamulandu wakuti ilelo wemo waliwasakamala umi wane, nani ntakutala nezye ukucita cimwi iciipe kunuli nupya. Cumi kwene nemo nincita uwelewele nupya ninduvyanya sana.”

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

Mpendwa 12:11

anena Mose ati, “Uwi cumi musambazi! Sutatuvunuka pa kwifya kuno twifya pa kutumpa kwitu.

2 Samueli 24:17

Lino Davidi walola umungeli uwakomanga antu, anena Yawe ati, “Nene ndi nu mulandu, nupya nene natinifya. Uzye antu yaa apelelwe yacita cani? Ulinzile ukuvunuka nene sile pamwi na aluko lwane.”

1 Yamwene 8:35

“Antu yako ndi cakuti yakuluvyanya, alino nawe apakuyakalipila walesya imvula kuti itatonya, alino lyene nupya ndi yazenzuka ala yatiyalozya na manso ku Ng'anda yako ikulu, yakukupepa nu kukuwanzya yakukuwanzya,

Kufuma 10:16

Lyene Falao kwaula ukusumba insita atuma akuya ama Mose na Aaloni nga aiza ayanena ati, “Natinifya kuli Yawe Leza winu nga nakuli mwemwe kwene.

1 Samueli 24:6

nga anena antu yakwe ati, “Si angala Yawe andesye ukucitila umusambazi wane icintu icamusango uu, wikwene wino Yawe wasolola ukuya umwene! Nemo ntalinzile ukumucitila iciipe icili consi, pamulandu wakuti wene umwene wino Yawe wasolola!”

1 Milandu 21:7

Yawe nawe kwene atazangile mwi lamulo kwene lii. Acino wavunwike aina Izlaeli.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.