2 Samueli 22:41 - Amazwi Yakwe Leza 2013

⁴¹ Wemo ukalenga kuti anisi yane yangutuke. Nkakoma yao ampata.

2 Samueli 22:41 Referans Kwoze

Kufuma 23:27

“Antu yonsi yano yakamulwisya ndayalenga kuti yaye ni ntete kunomuli nupya ndalenga kuti yao amupata yaye avulungane cuze cakuti yalasimula kantapepela.

Yoswa 10:24

Lino yaleta yamwene ya kuli Yoswa, nawe aama aonsi yonsi aina Izlaeli nga anena yamusika akalamba ya vita aizile nawe ati, “Izini kuno mulyate insingo zyakwe yamwene ya.” Acino nayo iyacita vivyo kwene.

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Utandiko 49:8

“We Yuda, anyonko yalakulumbanya. Ulacimvya anisi yako. Nupya anyonko yalakufukamila yakucindike.