2 Samueli 21:1 - Amazwi Yakwe Leza 2013

¹ Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

2 Samueli 21:1 Referans Kwoze

Utandiko 26:1

Kwali cipowe nacuze mu mpanga ilya wakwe cici icali pa nsita yakwe Abulaamu. Isaki aya kuli Abimeleki, umwene wa ina Filisti ku Gelali.

Utandiko 12:10

Mwali cipowe mu mpanga ya Kenani. Lino icipowe cakoma Abulamu atentemukila ku Eguputo ku kwikalako ukuutuka inzala.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Yobo 10:2

We Leza! Utampela umulandu. Nene sile nemo imanye umulandu uno nakutala.

2 Yamwene 8:1

Elisya walanga wanena umwanaci uwikalanga mu musumba uwamwangwa Syunemu, umwanaci wiya wino Elisya watutulwile umwana wakwe umonsi, ati, “Katuka wapita, wewe pamwi na ang'anda yako, mufume muno nga muye uku kwikala kuze, pamulandu wakuti Yawe alaponya icipowe mu mpanga ii. Icipowe cico cilamala imyaka cinimbali.”

2 Yamwene 6:25

Pa nsita ilya lino aina Asilya yazinguluka umusumba wa Samaliya, kwaponyile icipowe icikulu wakwe cimwi mu musumba ulya. Cico calenzile kuti umutwe wakwe punda wakaziwa pa mutengo wa lupiya lwakwe siluva ukulingana 80. Alino nacitumbi akamela mu vizule nawe nga waloleka, wakalwanga pa mutengo wa mpiya zisano sile zyakwe siluva.

1 Yamwene 18:2

Acino Eliya aya ku kulolekela kuli Aabu. Lilyo walanga inzala yacila mu cipimo mu Samaliya.

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

2 Samueli 5:23

Acino Davidi auzya Yawe, nga nawe amwaasuka ati, “Apakulwisyanya nayo utayalungama foo. Lelo uye lwaku matundu yao, akuno uzingulukile, ulunga ni miku.

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

1 Samueli 23:11

Uzye aikazi amu Keila yaliza yampeele mu makasa yakwe Saulo? Uzye cumi kwene Saulo ali nu kwiza wakwe muno nuvwila? Iye, we Yawe, Leza wa ina Izlaeli, ala nakupapata ungasuke ne muomvi wako!” Yawe nawe aasuka ati, “Ee, yalacita vivyo kwene.”

1 Samueli 23:4

Acino Davidi nupya auzya Yawe nga Yawe amwaasuka ati, “Pitanga ku Keila pamulandu wakuti namakupeela ucimvyo pa ina Filisti.”

1 Samueli 23:2

Davidi auzya kuli Yawe ati, “Uzye nje nkalwisye aina Filisti?” Yawe nawe aasuka ati, “Ee, pitanga kalwisye aina Filisti nu kutuula aina Keila.”

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Utandiko 43:1

Cipowe mu Kenani cipisya ukuluta.

Utandiko 41:57

Antu ukufuma mu mpanga zyonsi iizanga ku Eguputo kuli Yosefu ku kukala ivyakulya, pamulandu wakuti inzala yakomile cuze mu nsi yonsi.

Utandiko 42:5

Avino ana yakwe Izlaeli aonsi yapita pamwi na antu yauze ku kukala ingano, pamulandu wakuti mu mpanga ya Kenani mwali cipowe.

2 Samueli 16:8

Wemo wapokolola uwene wakwe Saulo. Acino ndakai Yawe akukuvunuka pamulandu wa kukoma aingi amu luko lwakwe Saulo. Yawe watapeela uwene kuli Abusalomu umwana wako umonsi, nga nawe watuononeka, we nkomi we!”

2 Samueli 20:26

Na Ila kwene uwaku Yaili wali a wenga uwamuli yasimapepo yakwe Davidi.

2 Samueli 21:5

Nayo yaasuka umwene yati, “Saulo walondanga ukutukoma ukwaula kusya umwi umupuma apali ponsi mu mpanga ya Izlaeli.

2 Samueli 24:1

Yawe asokela aina Izlaeli nupya kwene, nga alenga kuti Davidi alete intazi panoyali. Yawe amunena ati, “Pitanga ukapende aina Izlaeli na ina Yuda.”

Yoswa 9:20

Swemo lyene tulinzile tuyate yikale ulumi, pakuti ukali wakwe Yawe utatuponela pa kuntasunga umulapo uno twalafile kunoyali.

Luti 1:1

Pa nsita imwi lino aina Izlaeli yatekwangwa na yakapingula, mu mpanga ilya mwaponyile cipowe. Acino umuntu umwi uwaku Betelemu umu mpanga yakwe Yuda, pali pamwi nu muci na ana yakwe yaili aonsi, aya mu kwikala umu mpanga ya Moabu pa nsita imwi pamwi nu muci wakwe na ana yakwe yaili aonsi.

1 Samueli 10:22

Acino iyatwalilila ukuuzya Yawe iyati, “Uzye umuntu wi wataiza pano?” Yawe aasuka ati, “Awiyo afisime mu viya.”

Masamu 27:8

Watulaizya kunondi uti, “Ndanga kunondi.” Ee we Yawe, fwandi ali cino niza.