2 Samueli 20:4 - Amazwi Yakwe Leza 2013

⁴ Lyene umwene anena Amasa ati, “Ngamile aonsi amu Yuda uyakonganike pali pamwi nga yace yize kunondi pa wanda ulalondelela mutondo. Nawe kwene uce wize.”

2 Samueli 20:4 Referans Kwoze

2 Samueli 19:13

Davidi ayanena na mazwi kwene yaa kuti yanene Amasa yati, “Wewe wakazi kane. Ukutandika sile likwene, wemo nakulasika ukuya musika mukalamba uwa vita pa cifulo cakwe Yoabu. Si Leza andye, ndi cakuti ntacisile cii!”

2 Samueli 17:25

Abusalomu wasonsile Amasa kuti atoole cifulo cakwe Yoabu uwali musika mukulu uwa vita. Amasa wali umwana umonsi wakwe Yeteli umwina Isumeli. Na nyina wali a Abigelo, umwana umwanaci wakwe Naasyi uwali kaci muze wakwe Zeluya nyina wakwe Yoabu.

1 Milandu 2:17

Abigelo wali a nyina wakwe Amasa, wino isi wali a Yeteli uwamu mupanda wakwe Isumeli.

2 Samueli 19:14

Amazwi yakwe Davidi iyalenga kuti aonsi yonsi amu Yuda yamuyele, nga nayo iyatuma akuyamunena kuti aweluluke na aomvi yakwe yonsi.