2 Samueli 18:1 - Amazwi Yakwe Leza 2013

¹ Umwene Davidi akonganika ivita vyakwe pamwi, nga ayapaatula mu mpuka, yamwi izimbi lyonga na yamwi umwanda onga, nga alasika yamusika akalamba ya vita akuyatungulula.

2 Samueli 18:1 Referans Kwoze

1 Samueli 8:12

Yamwi nayo alayalasika ukuya yamusika akalamba ampuka ya vita amazimbi na ampuka amakumi yasano, nga na yamwi alayapeela umulimo wa kulima ivyalo nu kuzombola ivyakulya vyakwe. Nga nayauze alayapeela umulimo wakupanga ivyanzo nga ni viombelo vya maceleta yakwe.

Yoswa 8:10

Katondotondo uwanda uwalondelilepo Yoswa akonganika antu yakwe, nga aliwe pamwi ni ntunguluzi zya ina Izlaeli iyayatungulula iyaya ku Ai.

Kufuma 17:9

Mose apeela ilamulo kuli Yoswa ati, “Solola aonsi yamwi kuti yace yakalwe na ina Amaleke mutondo. Nemo ndimilila pa mwamba papeela, ale natintumpula intuwa ino Leza wanenyile kusenda.”

Kufuma 18:25

Alino asolola antu ampomvu mu ina Izlaeli nu kuyasonta kuti yaye intunguluzi zya antu. Mu musango uu, intunguluzi zya antu mazimbi, na zimwi zya antu imyanda, na zimwi zya antu amakumi yasano, na zimwi zya antu ikumi.

Mpendwa 31:14

Mose pasi pakusokela intunguluzi zya vita vyonsi, yamusika akalamba ampuka ya vita cila izimbi lyonga, alino na yamusika akalamba ya vita umwanda onga awezile ku nkondo.

1 Samueli 22:7

Saulo fwandi pali pakunena antu yakwe ati, “Uvwini kuno mwe antu yakwe Benjamini! Uzye icumi umwana wakwe Yese alamupeela impanga ni vyalo vya matingi? Uzye wene alamucita mwensi ukuya yamusika akalamba ya vita amazimbi nga na a myanda?

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Malango 20:9

Lino yamusika ya vita yamala kulanda kwi uvi, yalinzile kusolola intunguluzi yakwe cila mpuka.