2 Samueli 16:12 - Amazwi Yakwe Leza 2013

¹² Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

2 Samueli 16:12 Referans Kwoze

Ayebulai 12:10

Akwasi itu, yatata yatusundanga pa nsita inono ndi vino cayazipile kucita. Lelo Leza akatusunda kuti vintu vituzipile pakuti tukakumeko ku muzilo wakwe.

Malango 23:5

Lelo Yawe Leza winu wakanyile ukuvwa intipu zyakwe. Mucifulo cakwe cico wene wasenwile intipu kuti zingaya upolelelo, pamulandu wakuti Yawe Leza winu watemwa mwemwe.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Masamu 25:18

Elenganya apa ntazi nu kucula kwane, nu kwelela amaifyo yane yonsi.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Ezaya 27:7

Yawe atatala wapuma aina Izlaeli ndi vino wacisile ku anisi yao. Wene atatala wayakomola ndi vino wakomozile yayo ayakomolanga.

2 Samueli 16:13

Acino Davidi na antu yakwe iyatwalilila ukupita umu museo, nga Syimei wene ala akupita lwamu mbali ya museo pa cituntu, ala akutipwila nu kumuvwintila amawe nu lutukumbu.

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

Masamu 109:28

Nanti yangantimpwila wemo ukampolelela, lino yankatukila, leka insonyi ziyaleme! Umuomvi wako kalu kuzanga!

Masamu 132:1

We Yawe, uwaiusya Davidi nu kucululuka kwakwe konsi kuno wacululwike.

Mapinda 25:22

Fwandi cikoline wa kumukolonganikila amakala ya moto pa mutwe wakwe, icimupeela ni nsonyi.

Mapinda 26:2

Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

Malango 23:6

Ukufika sile na pano mulayelelela wa mutundu, mutakezye ukucita akantu kali konsi aka kwazwilizya imitundu iyo nanti ukuilenga ukuya nu longo.

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.