2 Samueli 12:16 - Amazwi Yakwe Leza 2013

¹⁶ Davidi wapapatile sana umwana wakwe kuli Leza pamulandu wa kulwala kwakwe. Davidi mpaka ata nu kulya nga aya umu ng'anda umwakwe nga alambalala pansi usiku onsi.

2 Samueli 12:16 Referans Kwoze

2 Samueli 13:31

Avili vino umwene Davidi wakatwike, alepola insalu zyakwe ukulanga ulanda uno wakwata. Aifwanta na pansi. Aomvi yakwe nayo iyimilila pamwi na aliwe kwene ale yatiyalepola ni nsalu zyao.

Milimo 9:9

Lyene watenzi manda yatatu kwaula kulola, ala asyakulya nanti kumwa cimwi.

Yona 3:9

Nalimwi Leza angasenula ipange lyakwe, nga nu luse azusye ukali wakwe ukulu pakuti tutalowa.’ ”

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Masamu 69:10

Nga naicuzya apa kukanalya, lyene kuli alino ale caya icakusombezya, icaku nsuulilapo.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

2 Samueli 12:22

Davidi nawe aasuka ati, “Ee, intalyanga nu kumwa lino umwana acili nu umi. Nelenginye ukuti limwi Yawe anganguvwila uluse nu kuleka kuti umwana atafwa.

Ezaya 26:16

We Yawe, wapezya antu yako, alino umu ulanda wao ali pakupapata kunuli.

2 Samueli 12:15

Lyene Natani aswilila ukwakwe. Yawe pali pakulwalika sana umwana wino Davidi waviile muli muka Uliya.

Neemiya 1:4

Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Danieli 6:18

Lyene umwene aswilila kwisano lyakwe nga usiku onsi wene ataizi utulo awe, nanti ukulya icakulya nanti ukulola iviila vyakumuzanzya.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.