2 Samueli 10:19 - Amazwi Yakwe Leza 2013

¹⁹ Lino yamwene yonsi atontelanga Hadadezeli yiluka ukuti yatiyacimviwa ku ina lzlaeli, iyalaya ukuti yatalatala yalwe nupya na ina Izlaeli nga iyatandika ukuteekwa na alio. Alino aina Asilya lyene iyuvwa intete cakuti yatazumile nupya ukwazwilizya aina Amoni.

2 Samueli 10:19 Referans Kwoze

2 Samueli 8:6

Lyene Davidi akuula insakwe zya nkondo mu Damasiko nu kulasika asilika akwikala mwenemo nu kumuteekela impanga ilya iya Asilya. Aina Asilya iyatandika ukuteekwa na Davidi nga iyalipa ni misonko kunoli. Yawe alenga kuti Davidi acimvye konsi konsi.

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Danieli 2:37

We musambazi, wewe uli mwene mukalamba pali yamwene yonsi. Leza wa mwiyulu wakulasika pa wene, wakupeela na maka nu ulamba nga nu lulumbi.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

1 Milandu 19:19

Lino yamwene atumikilanga Hadadezeli yalola ukuti yatiyacimviwa ku ina Izlaeli, yacita umutende pakasi kao na Davidi nga yamutumikila. Caleka aina Alamu yatakasi ukwazwilizya aina Amoni nupya.

1 Yamwene 20:1

Beni Hadadi umwene wa ina Asilya akonganika ivita vyakwe vyonsi ukwika penepo na yamwene yauze amutungililanga. Nayo yali amakumi yatatu na yaili, ale yali ni vilwilo vyao ivili wa mfwalasi na maceleta. Fwandi Beni Hadadi wiyo ali pakukatuka nu kuya lizizya umusumba wa ina Samaliya pakuti yaulwisye.

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.

Yoswa 11:10

Pa nsita ilya Yoswa pamwi ni vita vyakwe iyasenuka iyaya yapoka umusumba wa Hazoli nga yakoma umwene wauko. (Hazoli wali uli musumba uwa maka wakwe cimwi mu mawene yalya yonsi.)

2 Samueli 8:3

Davidi acimvya nu mwene kwene uwa mpanga iya Asilya ino ikaamwa ukuti Zoba. Nga acimvya na Hadadezeli umwana umonsi wakwe Leobu lino wali pa ulendo kuti aswilile pa wene wa mpanga yonsi iyalondelela Luzi lwa Yufulate.