2 Petulo 3:7 - Amazwi Yakwe Leza 2013

⁷ Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

2 Petulo 3:7 Referans Kwoze

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

2 Petulo 3:12

lino mucili lolela Wanda wa Mwene. Acino citini consi cino mungacita kuti wanda uwo wize zuwa. Lilyo alino mayulu yalononwa nu moto, nga ni vyaya mwenemo vilasunguluka nu moto.

Umbwilo 21:1

Nupya ndola iyulu lipya ni nsi ipya. Iyulu lyankolelo ni nsi yankolelo vyati vipita, na yemba nawe atakuloleka.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Mateo 12:36

“Lyene namunena nati, pa wanda wa upinguzi cila muntu alalondolola mulandu uno wavwanzile mazwi auwelewele.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

1 Timoti 6:9

Lelo yao akulonda kuya akama yene yakaponela mu kweziwa nupya yalemwa mu citeyo ca vilondwa vya kutumpa nupya vya uzanzo. Vii vikayatwala ku kononeka, nu ku ulovyo.

Filipi 1:28

Mutoopa anisi inu lelo mwaposya lino mwalolenkana nao. Kuposya kwinu kulayalanga ukuti yene yalononwa, nga nu kumulanga ukuti mwemo mulatuulwa. Leza alalenga vii vyonsi vicitike,

1 Yoane 4:17

Ndu kutemwa kwakwe Leza kwaya ukufumaluke munotuli lyene tulaposya pa Wanda wa upinguzi, pano vinoli avino naswe tuli mu nsi.

2 Tesalonika 2:3

Mutaleka umwi amusombe. Pano Umwene atangiza suka antu yace yasangukile Leza, nga nu Mui wilya aloleke, wino uyo wakwe cifulo ca afwe.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Mako 6:11

Konsi kuno antu yatalamuzengela nu kuvwa mazwi inu, muce mufume kweneko nu kukunta ulukungu lwaku ngazo zinu, kuya umboni kunoyali pa kuluvyanya kwao!”

Mateo 11:24

Cumi namunena nati, pa wanda wa upinguzi Leza alaya na mizu cuze pa kuvunuka antu amu Sodoma kuluta mwemwe.”

Mateo 11:22

Lelo namunena nati, pa wanda wa upinguzi, mwemo mulavunukwa kuluta antu amu Tuli na Sidoni.

Mateo 10:15

Cumi namunena vino pa wanda wa upinguzi Leza alaya na mizu kuli Sodoma na Gomola kuluta musumba uwo.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Masamu 102:26

Vyonsi pyu vilononeka, lelo wemo ulayelelela pee. Vyonsi vilalola wa vyakuzwala. Wemo ulavizuula wa vizwalo, nu kulowa ala vyalowelela.

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

Umbwilo 17:11

Cilyanyi cino cali nu umi lelo ndakai cafwa, cene ali kateeka uwalenga cinani, wamuli yakateeka cinimbali nupya akuya ku kononwa.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Danieli 7:9

Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Yoane 12:48

Na wino wensi uwankana, wasula mazwi yane, akunoli alamupingula. Mazwi kwene yano nkalanda alamupingula pa wanda wampelelekezyo.

1 Kolinto 3:13

Lelo umpomvu wa mulimo wakwe cila muntu ulaloleka lino Wanda wakwe Klistu ulausokolola. Pano pa Wanda ulya umoto uno Leza alatuma ulezya mulimo uo nu kulanga umpomvu wakweo vino uli.

Ayebulai 12:29

Tulinzile kucita cii, pano cumi kwene Leza umoto uno ukaonona.