2 Petulo 3:17 - Amazwi Yakwe Leza 2013

¹⁷ Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

2 Petulo 3:17 Referans Kwoze

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

1 Kolinto 10:12

Wino wensi akwelenganya ukuti aimi nu kuzyansya, wene alinzile kutekela kuti atapona.

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Mapinda 1:17

Yakaicuzya sile uku kuteya ivyunyi inkose, lino vyene vikulolekesya na kweneko.

2 Timoti 4:15

Cenjela nu muntu wii, pano wene wakanyanga maka ilandwe lino twakosolanga.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

Mateo 16:6

Yesu ayasoka ati, “Cenjelini nupya muye apempukile ku citutumusi ca Afaliseo na Asaduki.”

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Mateo 16:11

Uzye na ndakai kwene mutali mumanye kuti ntakulanda kunomuli pamulandu wa mikate? Lelo cenjelini ku citutumusi ca Afaliseo na Asaduki”

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.

1 Petulo 5:9

Mukome mu utailo winu nu kukanya Ciwa, pano mumanyile ukuti mu nsi yonsi antu ataila wakwe mwemwe, yakupita mu macuzi amusango uli onga.

Kolose 2:5

Pano nanti angala nsi pamwi namwe, lelo nkaetetwila vintu uti indi pamwi namwe. Indi ni nsansa zya kumanya ukuti mukwikala umi uno mulinzile kwikala nga nu utailo uno mukweti muli Klistu wene ukomeleke.

Filipi 3:2

Cenjelini na antu ankalwe wakwe yasimbwa. Kuli kuti yakacita ya viipe aonsi akakonkowezya kuceka nkanda ku mili.

Yoane 16:4

Lelo nati munena cii, kuti lino insita iliza yakuti antu yacite vintu vii, muliusya vino namunenyile. “Ntamunenyile vintu vii kufuma lino natandike kuomba.

Galatiya 5:4

Mwe muno mukaezya kucitwa kuya aololoke pa manso yakwe Leza pa kuyela Masunde, mwaipaatula kuli Klistu, nga nu ku cikuku cakwe.

2 Petulo 2:7

Wene watuuzile Loti, umuntu uwacitanga vyawololoke, wino wanyungulukanga pa vya winyi vino antu yankota yacitanga.

2 Petulo 3:1

Mwe yacuza akundwe, wii ali kalata wakwe ciili wino namulembela. Muli yakalata oili yano namulembile, nemo nezizye kuti mukatusye myenzo ya kwelenganya kusuma pa kumwiusya vintu vii.