2 Petulo 3:13 - Amazwi Yakwe Leza 2013

¹³ Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.

2 Petulo 3:13 Referans Kwoze

Ezaya 65:17

Nupya Yawe avwanga ati, “Mwalola, nemo namaumba iyulu lipya ni nsi ipya. Ivyampiti vyonsi vilililika, yatalaviusya nupya.

Umbwilo 21:1

Nupya ndola iyulu lipya ni nsi ipya. Iyulu lyankolelo ni nsi yankolelo vyati vipita, na yemba nawe atakuloleka.

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Ezaya 65:25

Imimbulu nu mwana wa mfwele vilaalila pamwi, cisama nawe alaalya insaawa wa ng'ombe. Inzoka zitalakwata intazi uku muntu, zilaalya ulukungu. Apa mwamba wa Zioni, umwamba wane wamuzilo, patalacitika nanti cimwi iciipe, nanti caononyi.”

Loma 8:21

upaalilo wakuti wanda umwi uumbo ulakululwa ku uzya wa kuola, kuti ukakume ku untungwa wa lulumbi lwa ana yakwe Leza.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.