2 Petulo 2:21 - Amazwi Yakwe Leza 2013

²¹ Cange cizipe cuze ndi cakuti yatamanyile nzila ya wololoke, kuluta yafutatile isunde lyamuzilo lino Leza wayapile.

2 Petulo 2:21 Referans Kwoze

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

Ezekelo 3:20

“Umuntu umwi umusuma ndi watandika ukucita vimwi iviipe, alino nani namuteya iciteyo, ala nawe kwene alafwa ndi cakuti wemo utamucelwile kweneko. Umuntu wiyo alafwila pa uyi wakwe, nani ntaliusya ni visuma vino wene wacisile, lelo wemo ulakumpwilapo umulandu pa mfwa yakwe.

Luka 12:47

“Muomvi wino uwamanyile vino mwene wakwe akasi, lelo ataiteinye nanti kucita kulonda kwakwe, wene alumwa vikoti vingi.

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

1 Tesalonika 4:2

Pano mumanyile utunguluzi uno twamupile ku maka ya Mwene Yesu.

Yoane 9:41

Yesu ati, “Ndi mwali mwemwe mpafu, nga musi nu mulandu. Lelo pano mukuti mukulola, caleka mucili nu mulandu.”

Zefaniya 1:6

Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.

Mateo 21:32

Pano Yoane wizile kunomuli nu kumulanga vino mungalondela nzila ya wololoke wakwe Leza, lelo mutamutaile. Yakasonkisya na yacizelele yene yamutaile. Lelo mwemo nanti angala mwaweni cii, mutazenzwike nu kumutaila.”

Mapinda 16:31

Ukumela imvwi icilongwe cimwi icaucindami, cino cikazanwa umu nzila zya ulungami.

Loma 7:12

Caleka, Masunde yene amuzilo, alungame nupya asuma.

Ezekelo 23:13

Nani ali pakulola ukuti awe nawe kwene uzelele wakwe waipisya. Wene yalingine sile na nyinalenzi ku uyi.

Mapinda 12:28

Uololoke ili Inzila ino ikatungulula uku umi, lelo ukwifya ili inzila ino ikatwala ku mfwa.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 85:8

Nemo nkukutika kuno Yawe akuvwanga, apamulandu wakutuletela ulongo swe antu yakwe, lelo cikulu sile tutaciwelela ku vya uwelewele.

Ezekelo 33:13

Nemo nga nanena umuntu musuma ukwikala nu uumi, alino nawe wataila ukuzifya na mbali akwifya, lyene nemo apa visuma vyakwe ivyampiti intaliusyapo nanti cimwi. Alafwila sile apa uyi wakwe.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

1 Timoti 6:14

uyele vyonsi vino wanenyilwe nu kuya uwacumi kulivyo kufika na pa Wanda uno Yesu Klistu Mwene witu alaloleka nupya.

Ayebulai 10:26

Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.