2 Petulo 2:20 - Amazwi Yakwe Leza 2013

²⁰ Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 2:20 Referans Kwoze

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

2 Petulo 1:2

Leza aye ni cikuku kunomuli, nupya amupeele mutende cuze kupitila mukumanya Leza na Yesu Mwene witu.

Mpendwa 24:20

Alino mu cilolwa Balamu alola aina Amaleke nga asema usemo uu: “Amaleke wali uluko lwa maka ukuluta inko zyonsi, Lelo ukumpelelekezyo alononeka.”

Ezekelo 33:13

Nemo nga nanena umuntu musuma ukwikala nu uumi, alino nawe wataila ukuzifya na mbali akwifya, lyene nemo apa visuma vyakwe ivyampiti intaliusyapo nanti cimwi. Alafwila sile apa uyi wakwe.

2 Timoti 2:4

Musilika wino ali pa mulimo wene akalonda kuzanzya musika mukulu. Caleka wene asyaitumpa mu vicitwa visi vya asilika.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Petulo 1:8

Vii vili vintu vino mulinzile kukwata. Ndi mwavulilwa vintu vii, vyene vilamulenga kuti mwaombesya na maka pa kumanya Mwene witu Yesu Klistu.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Aina Levi 13:20

Simapepo alinzile kumuceceta, alino ndi cakuti kaliyala kaloleka uti akazike ukuluta inkanda izingulwike mu mbali, nga ni pipi mu kaliyala ilisanguka litiswe, simapepo alinzile ukunena umuntu wiyo ukuti wene uwamifitalila. Indwala yakwe tembwe alino ikutandika mu cipute.

Aina Levi 13:55

Lyene alinzile kuciceceta nupya. Ndi cakuti civuvume cico citasenwike mu milolekele, nanti angala citakulolekela pa nsalu, insalu iyo icili iyamifitalila. Ulinzile ukoca insalu iyo nanti angala civuvume cico cili ku nkolelo nanti kucisila.

Aina Levi 14:43

“Kuvuvuma ndi kwaloleka nupya mu ng'anda iyo, pacisila ca kufumya mawe yavuvume nu kukolola nga nu kutakasa cipya cipya,