2 Petulo 1:14 - Amazwi Yakwe Leza 2013

¹⁴ Manyile vino Mwene Yesu wanena mpiti ukuti ndasya mwili uu.

2 Petulo 1:14 Referans Kwoze

2 Timoti 4:6

Ndakai insita yatifika yakuti nkomwe wa mpolelwa. Nsita yatifika yakuti nemo insye umi uu.

Malango 31:14

Lyene Yawe anena Mose ati, “Utakweti lyene amanda avule pano pansi. Wasya ufwe. Aama Yoswa mulete kuno mwi Taalu lya Ukongano pakuti imupele amazwi ya utunguluzi akusyalikizya.” Acino Mose na Yoswa iyaya kwi Taalu lya Ukongano.

Milimo 20:25

“Napitana monsi munomuli, ala nkukosola ilandwe lya pa Wene wakwe Leza. Ndakai, yamwi amunomuli yatalandola nupya.

Yoswa 23:14

“Ndakai nemo lyene nasya mfwe. Mwemo mwensi mumanyile umu myenzo inu yonsi ukuti kusi nanti cimwi cisuma cino Yawe Leza winu wamulaya icitafikiliziwa. Vyonsi kwene vino walavile vyafikiliziwa.

Ezaya 38:12

Natangi sile umi wane muno nsi wapelela pano, lyene casila! Wala wasila wi taalu lwakwe kacema, lino akapangulula. Wasila wa nsalu yakwe kapikula, ino akapombelekezya nu kuiputwila uku cintu cino akupikwilako. Natangi, apakuti kawe sile ale Leza wamalilila.

Yoane 13:36

Simoni Petulo auzya Yesu ati, “Mwene uzye umaya kwi?” Yesu amwaasuka ati, “Ndakai utangandondela kuno nkuya, lelo ulandondela pacisila.”

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

2 Petulo 1:13

Lyonsi lino ncili nu umi canzipila kuti ntwalilile kumwiusya vintu vii.