2 Petulo 1:1 - Amazwi Yakwe Leza 2013

¹ Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

2 Petulo 1:1 Referans Kwoze

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

2 Kolinto 4:13

Calembwa mu malembelo cati, “Navwanzile pano nakweti utailo.” Naswe twakwata utailo uli onga na uwo. Caleka tukavwanga

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Loma 1:12

Ntwazile mukuti utailo uno mukweti wakomya utailo wane, nane utailo uno nakwata wakomya utailo winu.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.

1 Petulo 1:1

Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Luka 1:47

nupya untu wane ukuzangila muli Leza Katuula wane,

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

2 Timoti 1:5

Nkaiusya utailo uwa mpomvu uno wakwata, nupya uno nyokokulu Loisi pamwi na nyoko Yunisi yakweti. Nkusininkizya ukuti nawe kwene ukweti.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Milimo 15:14

Simoni watalondolola vino inkolelo Leza watandike kusolola yamwi mu Akulukuwa kuti yaye antu yakwe.

Mateo 10:2

Yaa, ali mazina ya atumwa ikumi na yaili: Wakwe conga, Simoni, (wino izina lyakwe a Petulo), na Andeleya mwina wakwe. Yakobo mwana Zebedi na Yoane mwina wakwe.

1 Petulo 2:7

Iwe lii ilyamutengo cuze kuli mwe muno mwataila. Lelo kuli yao atataila, kunoyali cili ndi vino malembelo yauze yakati, “Iwe lino yakakuula yakanyile, lyene lyacisilwe iwe lya pitungi lya nganda.”

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

Efeso 4:5

Twakwata sile Mwene wenga, utailo onga, nga nu luwatizyo longa.

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Galatiya 2:8

Pano kupitila mu maka yakwe Leza nacisilwe kuya mutumwa ku Akulukuwa, wakwe vino Petulo wacisilwe kuya mutumwa ku Ayuda.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

1 Kolinto 9:1

Uzye nemo nsi muntu muntungwa? Uzye nemo nsi mutumwa? Uzye nemo ntalola Yesu Mwene witu? Uzye mwemo ntamutungulwile ku kukwata utailo mu Mwene Yesu?

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Loma 1:17

Pano Ilandwe Lisuma likasokolola vino Leza akapindulula umuntu kuti aye mololoke, apa kukwata utailo kufuma ku kutandika kufika nu ku mpelelekezyo. Ndi vino malembelo yataka, “Muntu wino Leza wacita ukuya mololoke pa utailo wakwe wene alaya nu umi.”

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Luka 11:49

Pamulandu uu, Leza mu mano yakwe wavwanzile ati, ‘Ndayatumila yakasema na atumwa. Na munoyali yamwi yalayakoma na yamwi nao yalayazunya.’

Mateo 4:18

Lino Yesu wapitanga mu nkumba yakwe yemba wa Galile, alola aina yaili, Simoni wino yatangi Petulo, na Andeleya mwina wakwe ala yali ni sumbo yakuvuwa muli yemba, pano yali alondo.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.