2 Kolinto 9:6 - Amazwi Yakwe Leza 2013

⁶ Mwiusye ukuti muntu wino akata imbezu zinono sile, wene alazombola vinono. Na wino akata imbezu zingi wene alazombola vingi.

2 Kolinto 9:6 Referans Kwoze

Luka 6:38

Pelini, namwe mulapelwa. Mulapelwa cilingilo cisuma cisindelwe, cakuti musakatile. Pano cilingilo cino mukalingila auzo, acino namwe Leza alamulingila.”

Mapinda 22:9

Kapela wa luse akapolelelwa, pano wapeela umulanda icakulya cakwe.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

2 Kolinto 9:10

Leza wino akapela imbezu ku alimi nga ni vyakulya vyakuti yalye. Wene alamupeela imbezu zyonsi azisandulule nu kuvuzya uzombozi kuli yao aulilwa.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Kasambilizya 11:6

Mwakomela imbezu akatondo, mukomela na manguzi kwene. Mutange mumanye ndi mbezu zyonsi zilakula ningo, nanti ndi ukukomela kwa pa nsita imwi ukulaya ningo ukuluta ukwa pa nsita yuze.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Kasambilizya 11:1

Uwasunga impiya zyako ku mpanga zya inamasi mu uculuzi, pano alala papita amanda avule ulazana umuzano.

Galatiya 5:16

Nemo nkumunena ukuti, lekini Mupasi Wamuzilo atungulule umi winu, nga lyene mutalazanzya vilondwa vya untunze.

Galatiya 3:17

Cino nkusenula cakuti Leza wacisile upangano na Abulaamu nga alaya kufikilizya. Masunde yatangasenula upangano uwo nanti konona ulayo wakwe Leza uno wacisile kulingana pa myaka myanda ini na makumi yatatu lino Masunde yakwe Mose yatali kuti yapelwe.

1 Kolinto 15:20

Lelo cumi Klistu wazyukuka kufuma ku afwe! Nupya akusininkizya kunotuli ukuti yauze nayo kwene yalazyukuka kufuma ku afwe.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

1 Kolinto 7:29

Cino nkusenula inane, icakuti, insita yaticepesya nga kufuma ndakai kwene atwala yalinzile kwikala kwati yatatwala.

Kolose 2:4

Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

1 Kolinto 1:12

Manye kandande ndi vii, cila muntu munomuli akulanda cimwi cipusane. Umwi ati, “Nemo nkalondela Paulo,” muze nawe ati, “Nemo nkalondela Apolo,” muze nawe ati, “Nemo nkalondela Petulo,” muze nawe ati, “Nemo nkalondela Klistu.”

2 Kolinto 9:5

Acino nelenginye kuzya ina itu mu utailo kuti nkolelo iize kuno muli pakuti yangakwata kasita kakuteyanya kupoka impiya zino mwalavile. Lyene cilaloleka ukuti mukapela pano mukulondesya kupeela, lelo asi pamulandu wakupatikiziwa.