2 Kolinto 9:5 - Amazwi Yakwe Leza 2013

⁵ Acino nelenginye kuzya ina itu mu utailo kuti nkolelo iize kuno muli pakuti yangakwata kasita kakuteyanya kupoka impiya zino mwalavile. Lyene cilaloleka ukuti mukapela pano mukulondesya kupeela, lelo asi pamulandu wakupatikiziwa.

2 Kolinto 9:5 Referans Kwoze

1 Samueli 25:27

Musambazi, su ngala upokelele ivya wila vino nakuletela nu kuvipeela ku yaomvi yako.

Utandiko 33:11

Napapata pokelela uwila wane uno natindeta kunuli. Mwene Leza wali nu luse kunondi nu kumpela vyonsi vino nkulonda.” Yakobo watwalilile ukumupapata mpaka lino Esau wazumile apokelela uwila.

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

2 Kolinto 8:6

Acino swemo twakonkomizye Tito, wino uwatandike mulimo uu, kuti atwalilile nga na kuti amwazwe kumalila kutumikila kwene kuu ukwa kutemwa.

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

1 Samueli 30:26

Lino Davidi waswilile ku Zikilagi, watozile ivisampwe vimwi atumila auze ali ntunguluzi zyamu Yuda, alanda na mazwi yaa, ati, “Uo uli wila uno namutumila, uno napaatula pa visampwe vino naile impokolola ku anisi yakwe Yawe.”

Yakapingula 1:15

Nawe amwaasuka ati, “Nkulenga mumpeele tufukoka twa manzi. Pasi pano impanga ino mwampela iyumalale.” Acino Kalebu amupeela tufukoka utwayelile kupela nu kwisika.

2 Kolinto 9:3

Lelo ndakai natuma aina itu mu utailo kuno muli kuti kuitumika kwitu pali mwemwe kutaya ukwasilesile, na kuti muye aiteyanye, ndi vino nalavile. Cii cilasininkizya ukuti swemo tutaluvinye pa kuitumika pamulandu winu.

2 Kolinto 9:6

Mwiusye ukuti muntu wino akata imbezu zinono sile, wene alazombola vinono. Na wino akata imbezu zingi wene alazombola vingi.