2 Kolinto 9:10 - Amazwi Yakwe Leza 2013

¹⁰ Leza wino akapela imbezu ku alimi nga ni vyakulya vyakuti yalye. Wene alamupeela imbezu zyonsi azisandulule nu kuvuzya uzombozi kuli yao aulilwa.

2 Kolinto 9:10 Referans Kwoze

Ezaya 55:10

Ndi vino imvula na mawe ya mvula vikapona ukufuma mupela nu kuswilila foo, suka sile vyatala vyakontelela impanga, vyaleka yavunda, vyamezya imbezu, nu kupeela katovya icakulya,

2 Kolinto 9:6

Mwiusye ukuti muntu wino akata imbezu zinono sile, wene alazombola vinono. Na wino akata imbezu zingi wene alazombola vingi.

Oseya 10:12

Muitandile uololoke, nga mulazombola upolelelo uwa kutemwa kwane ukwa muntaputuka. Umini mazela mwi sala linu pano insita yakulondalonda Yawe yatifika. Mwalukulonda Yawe mpaka ace awele ku kwiza mupongolwela upolelelo.

Kasambilizya 11:6

Mwakomela imbezu akatondo, mukomela na manguzi kwene. Mutange mumanye ndi mbezu zyonsi zilakula ningo, nanti ndi ukukomela kwa pa nsita imwi ukulaya ningo ukuluta ukwa pa nsita yuze.

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

1 Tesalonika 3:12

Lekini Mwene avuzye kutemwa kuno mwatemwana, nga nu kutemwa antu yauze, ndi vino wavuzya kutemwa kwitu kunomuli.

Mateo 6:1

“Mutacita milimo isuma kuti mwalolwa na antu. Pano ndi mumacita vivyo ale musi ni cilambu kuli So winu uwa mwiyulu.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Utandiko 47:19

Uzye ukulonda tufwe ale ukulola? Tupeleko ivyakulya. Utaleka tutazyele impanga muno tukalima. Tupeleko ivyakulya pakuti ukale impanga zitu muno tukalima pamwi naswe kwene. Tumaya azya yakwe Falao, ni mpanga zitu muno tukalima zimaya izyakwakwe. Tupeleko ingano kuti tutafwa ni nzala, nga ni mbezu zya kukomela.”

Efeso 5:9

nga nu kuleka luswepo lwinu lulete uzombozi ukulu cuze uwa micitile isuma, uwololoke, nga ni cumi.

1 Tesalonika 4:10

Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.

2 Kolinto 9:12

Pano kutumikila kwinu kuu kusyaazwa sile antu yakwe Leza, lelo kukalenga kuti antu aingi yataizye Leza.

Galatiya 3:5

Uzye Leza akamupeela Mupasi Wamuzilo nu kuomba vinjelengwe pakasi kinu pamulandu wakuti mukayela Masunde, nanti pamulandu wakuti muvwa nu kutaila Ilandwe?