2 Kolinto 6:6 - Amazwi Yakwe Leza 2013

⁶ Tukailanga nupya ukuya aomvi yakwe Leza mu kuswepa kwa myenzo itu, mukumanya vya cumi, mu kuteeka myenzo, nu mukuya nu luse na Mupasi Wamuzilo, nga nu kutemwa kuno twakwata ukwa cumi,

2 Kolinto 6:6 Referans Kwoze

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Efeso 4:32

Mu cifulo cakwe vii, muye nu luse na mizu kuli cila muntu munomuli. Mwaelelana ndi vino Leza wamwelela kupitila muli Klistu.

Efeso 4:2

Muye afuke nupya aicefye lyonsi. Mwaposya kuti mulange kutemwana kuli cila muntu.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 3:5

Uzye Leza akamupeela Mupasi Wamuzilo nu kuomba vinjelengwe pakasi kinu pamulandu wakuti mukayela Masunde, nanti pamulandu wakuti muvwa nu kutaila Ilandwe?

2 Kolinto 12:15

Acino nemo ndapela ni nsansa vyonsi vino nakwata pamwi nu umi wane. Namutemwa cuze, uzye lyene mwemo mumantemwa panono?

2 Kolinto 11:11

Uzye pacani cino nalandila vii? Uzye kuli kuti ntamutemwa? Leza wamanya kuti namutemwa.

2 Kolinto 11:6

Nemo ntange ndande ndi vino yene yakalanda, lelo manyile vingi. Nupya twalondolola ningo kuno muli.

2 Kolinto 11:4

Pano umwi ndi wiza nu kukosola ilandwe lyuze lipusane ni landwe lya pali Klistu, nanti ndi mwapokelela mupasi muze apusine na Mupasi Wamuzilo, nanti ndi mwapokelela ilandwe lyuze lipusane ni Landwe Lisuma lino mwapokelile, ale lyene mukuyela landwe lilyo.

2 Kolinto 7:2

Tupokelelini ni myenzo inu yonsi! Tutaifya umwi, tutatala umwi mulandu, nanti kucenjezya umwi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

2 Kolinto 2:4

Pa nsita ino nalemvile kalata kuli mwemwe, nali mu kucululuka cuze. Manso yane yazilemo minsozi, nga nu kunyunguluka mu mwenzo. Lelo ntalondanga kuti muvwe ulanda. Nemo nalondanga sile kuti mumanye kutemwa kuno namutemwa.

1 Kolinto 13:4

Kutemwa kukateeka mwenzo nupya ukwa luse. Kutemwa kutakwata uzuwa nupya kusyaitutumula nanti kuituumika.

1 Kolinto 2:16

Cili ndi vino calembwa mu malembelo cati, “Uzye aweni uwamanya melenganyo ya Mwene? Uzye aweni angamupanzya mano?” Lelo swemo twakwata kwelenganya kwakwe Klistu.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Yakapingula 16:15

Alino Delila amunena ati, “Ungalanda uli ukuti wantemwa lino fwandi utantaila? Lii, ila lyakwe citatu lino wemo ukalu kuntumpika nupya utali kuti unene inkama ya maka yako akulu.”

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Efeso 3:4

Lino mwawelenga kalata, mulazanamo kumanyikisya kwane kwa nkama yakwe Klistu.

Galatiya 3:2

Ningatemwa kumanya cintu conga kufuma kunomuli. Uzye mwapokelile Mupasi Wamuzilo pa kuyela Masunde nanti mukuuvwa nu kutaila Ilandwe?

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,

1 Timoti 5:2

Vivyo kwene wacitila anaci aikolo ndi vino ungacitila nyoko. Akazyana nao wayacitila kwati a kaci yako, nu mwenzo usuma.

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.

1 Kolinto 12:8

Mupasi Wamuzilo akapeela umuntu umwi maka akulanda vya mano, nga Mupasi Wamuzilo ali umwi kwene akapeela umuntu muze maka akulanda mazwi akusambilizya.

2 Kolinto 1:23

Leza ali kambone uwamanya mwenzo wane vino pa kukana mucuzya acino ntizile ku Kolinto.

2 Kolinto 2:10

Muntu wino mwelela nani ala namwelela, na cino namwelela nda kuno cili cakwelela ala namwelela pamulandu winu pa manso yakwe Klistu.

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.