2 Kolinto 3:10 - Amazwi Yakwe Leza 2013

¹⁰ Pano vintu ivyali nu lulumbi ndakai vitakweti, pamulandu wa lulumbi ululusilepo lukuloleka ndakai.

2 Kolinto 3:10 Referans Kwoze

2 Petulo 1:17

Swemo apano twali lino Leza Tata wamucindamike nu kumupeela ululumbi. Pa nsita ilya izwi lyafumile kuli Leza uwa lulumbi lukulu, liti, “Wii Mwanane mukundwe. Munoli nkuzanga cuze!”

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Milimo 26:13

Cali mu nzila, Mwene wa kwisaci, lino ilanzi lyafika umutwe papela indola luswepo luyengese kuluta ilanzi lufuma mwi yulu, lunzinguluka pamwi na yano twali nao.

Hagai 2:3

“Uzye pangayako yamwi pano muli atazile yalolako ululumbi ulwakweti Ng'anda ikulu ii yakwe Yawe? Uzye icumi kwene mutakuilolela ukuti lyene umucinzi nu lulumbi vyati visila?

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Yobo 25:5

Nga vino nanti umwezi kwene usiwala icifumaluke apa manso yakwe Leza? Nanti sile intanda, nazyo kwene zikazimantukila pa manso yakwe.

2 Kolinto 3:9

Ndi mulimo wakulenga kuti antu yavunukwe wali uwa lulumbi, nga lyene mulimo wakulenga kuti antu yaye aololoke pa manso yakwe Leza uzye utalalusya kuya uwa lulumbi?

2 Kolinto 3:11

Masunde yene yapilwe nu lulumbi luno lwazimile. Lelo lulumbi lwa upangano upya lwene lukulu kuluta, pano lutalatala luzime.