2 Kolinto 11:16 - Amazwi Yakwe Leza 2013

¹⁶ Nkuswilizya kulanda ukuti muntu nanti umwi atalinzile kwelenganya ukuti nene mutumpe. Lelo ndi mwacita vivyo, ale cingazipa mumpokelele wa muntu mutumpe, pakuti ni ngaitumika panono sile.

2 Kolinto 11:16 Referans Kwoze

2 Kolinto 11:1

Nkupaalila ukuti mumanzumilizya nanti angala nene mutumpe. Namupapata munzumilizye!

2 Kolinto 12:6

Ndi nalondanga kuitumika, ntangaya mutumpe, pano ale nemo nkulanda cumi. Lelo nemo ntalezya kuitumika, pano ntakulonda muntu nanti umwi anjelenganya kuluta pa cipimo ca vintu vino mwalola nkucita nu kuvwanga.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 11:19

Mwemo mweisikulu mwaya na mano cuze, acino mukazumilizya vipuwa!

2 Kolinto 5:13

Ndi twaloleka avulungane ale pamulandu twacindika Leza. Lelo ndi twaloleka amano ale pamulandu wakumwazwa.

2 Kolinto 12:1

Namaitumika, nanti angala musi cimwi cino ningalonka mukuitumika. Lelo ndakai namalanda pa vilolwa vino Mwene wampile nga ni vintu vino wene waumbula kunondi.