2 Kolinto 10:5 - Amazwi Yakwe Leza 2013

⁵ nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.

2 Kolinto 10:5 Referans Kwoze

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Loma 7:23

Lelo mu mwili wane mwene nkazana sunde lyuze ilikalwisya sunde lino melenganyo yane yakazumilizya. Isunde lii ilikantwala ku kwifya linteeka uzya kwi iifyo ilikuomba munondi.

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Masamu 139:2

Wamanya vyonsi vino nkacita. Ukamanya vino nkwelenganya, nanti uli akatalamukila uli.

1 Kolinto 1:19

Calembwa mu malembelo cati, “Ndonona mano yakwe yao yonsi akaitaka vino yene yaya na mano nu kuvulunganya kucenjela kwa yacenjele.”

Mapinda 15:26

Yawe wapata amapange aipe. Lelo amazwi ya luse yataya namulandu foo.

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Ezekelo 17:24

Alino imiti yamu mpanga yonsi kwene ilamanya ukuti nene indi Yawe, nu kuti nene nkasinda imiti itali, nu kuleka imiti iipi aino italimpisye, nu kuti nene nenga nkaleka imiti iisi yauma nga nu kulenga ukuti imiti yume yalemba. Ee, anene ne Yawe nalanda nu kucita avino ndacita.”

2 Tesalonika 2:8

Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya.

Mapinda 24:9

Iciwelewele ca muntu cikaelenganya sile ivya maifyo, uwa mitumfyo, akapatikwa uku antu.

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

2 Kolinto 9:13

Na pa usininkizyo uno kutumikila kwinu kuu kukaleta, antu aingi yalapeela lulumbi kuli Leza pa kuyela kuno mwayela Ilandwe Lisuma lya pali Klistu, lino mwazumila, nga na pa kwankana pamwi nao vintu vinu nga na yauze.

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

2 Yamwene 19:22

Uzye watumanya wino ukutuka nu kusaalula? Uzye aweni wino ukusaalula? Uzye asi nene ne Wamuzilo uwa ina Izlaeli.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

2 Yamwene 19:28

Fwandi apakuzana ukuti wemo wansokela, nani namanya mpiti kuno icilumba cako cikukutwala. Lyene namaika iswelo mu mpuno zyako na napengele mu kanwa kako, alino nkuswilizye kuno wafumile, umu nzila kwene ino wizile mwenemo.”

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

Masamu 18:27

Wemo ukatuula antu aicefya, lelo acilumba yene ukayacefya.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Masamu 18:44

Lilyo kwene lino yuvwa izwi lyane, yanjela, ainamasi yakaiza kunondi nu kumfukamila.

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Yelemiya 23:29

Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

2 Kolinto 11:20

Mukazumilizya antu kuti yamucite uzya nu kumucenjezya nga nu kwiya kufuma kuno muli. Mukaleka kuti yamusule nga nu kumuma impi pa manso.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.