1 Yoane 3:8 - Amazwi Yakwe Leza 2013

⁸ Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

1 Yoane 3:8 Referans Kwoze

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Kolose 2:15

Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

Yoane 16:11

Yene aponge pamulandu wa kuntamanya upinguzi wakwe Leza pano Ciwa, kateeka wa nsi ii watavunukwa mpiti.

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Luka 10:18

Yesu ayanena ati, “Naweni Ciwa wapona wa nkuwa kufuma mwiyulu.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

Mateo 13:38

Calo cikwimilila insi. Imbezu zisuma zikwimilila antu amu Wene. Kalolo nawe akwimilila antu ya mwanisi wakwe Leza.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Mateo 4:3

Lyene Ciwa aiiza pano wali amunena ati, “Ndi wewe Mwana wakwe Leza, nena mawe yaa yaye mukate.”

Mateo 12:28

Lelo ndi cakuti nkafumya mipasi yankota mu maka ya Mupasi wakwe Leza, ale lyene Uwene wakwe Leza wati wiza panomuli.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

1 Yoane 1:2

Umi uu walolike, nga naswe twauweni. Tukapela umboni wa pa umi kwene uu. Nupya tukumunena vya pa umi wape uno wali na Tata. Wene wasokolwilwe kunotuli.

Mpendwa 21:9

Acino Mose apanga inzoka ya mukuwa nga aikoweka na pa mulongoti. Lyene umuntu ali wensi ndi walumika ni nzoka, nga aiza alolekesya pa nzoka ya mukuwa, wene aya nu umi.