1 Yoane 3:22 - Amazwi Yakwe Leza 2013

²² Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

1 Yoane 3:22 Referans Kwoze

Yoane 15:7

Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.

Yoane 9:31

Twamanya vino Leza asyauvwa yakaifya. Wene akauvwa antu yano akamucindika nu kucita kulonda kwakwe.

Mateo 21:22

Na consi cino mwalenga mwi pepo, ndi mwataila mulapokelela.”

1 Yoane 5:14

Swemo tukaposya pa manso yakwe Leza, pano twasininkizya ukuti ndi twamulenga wene akatuvwa nu kutwasuka pali consi cino twalenga kulingana nu kulonda kwakwe.

Mako 11:24

Caleka namunena nati, lino mukupepa nu kulenga pali cimwi, mutaile ukuti mwati mupokelela, nga mulapelwa consi cino mwalenga.

Yoane 14:13

Na consi cino mulalenga mwi zina lyane, acino ndacita, kuti Tata alumbanyiwe mu Mwana.

Mapinda 15:29

Umwenzo wa muntu mulungami ukaelenganya ukucita ivisuma. Akanwa ka ntalanganyi kene kakalanda ivyaukakasi.

Masamu 34:4

Napefile kuli Yawe nawe wanjaswike, ampususya na kuli vyonsi ivya nsakamikanga.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Yoane 8:29

Wino uwantuma ali nani. Wene asinsya nenga pano lyonsi nkacita vintu vikamuzanzya.”

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Yoane 6:29

Yesu nawe aasuka ati, “Cino Leza akulonda kuti mucite, ukutaila muli wino watuma.”

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Mapinda 28:9

Ndi umwi akakana ukuvwa isunde, ni pepo lyakwe kwene lyapatwa.

Masamu 10:17

We Yawe, uluvwa amapepo yakwe yao aicefya. Nawe ulayakomelezya.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Yobo 22:26

Ndi wacita vivyo, lyene ulazangila muli Leza Wamaka yonsi, nu kupaalila munoli umu kupama amanda pe.

Yakobo 4:3

Nupya lino mukamulenga musyapeelwa, pano mapange inu aipe. Mwemo mukalenga vintu vya kuizanzya mweisikulu.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.