1 Yoane 3:21 - Amazwi Yakwe Leza 2013

²¹ Acino mwe yacuza akundwe, yakampingu itu ndi yasyakutuvunuka, lyene tulaya aposye pa manso yakwe Leza.

1 Yoane 3:21 Referans Kwoze

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

1 Yoane 5:14

Swemo tukaposya pa manso yakwe Leza, pano twasininkizya ukuti ndi twamulenga wene akatuvwa nu kutwasuka pali consi cino twalenga kulingana nu kulonda kwakwe.

Masamu 101:2

Imiyele yane imayanga iyakwe ukayele. Uzye ulawela lilaci kunondi? Nemo ukwane namaikalanga ni misango isuma.

1 Yoane 4:17

Ndu kutemwa kwakwe Leza kwaya ukufumaluke munotuli lyene tulaposya pa Wanda wa upinguzi, pano vinoli avino naswe tuli mu nsi.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Yobo 22:26

Ndi wacita vivyo, lyene ulazangila muli Leza Wamaka yonsi, nu kupaalila munoli umu kupama amanda pe.

1 Kolinto 4:4

Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.

Yobo 27:6

Ntalata ukulanda ukuti nemo nkacita vyaololoke, nu kuta intalatala inte ukucita vivyo, awe. Pasi pano kampingu wane asikunenola.’

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

Loma 14:22

Leka vino wataila pali cii, viye sile pakasi kako na Leza. Walongo umuntu wino asyailola kuya uwa mulandu lino akucita cimwi cino waipingula ukuti icisuma!

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

1 Yoane 2:7

Mwe yacuza yane akundwe, ntakumulembela isunde lipya. Lelo nkumulembela isunde lyampiti lino mwapilwe pa kutandika. Isunde lyampiti amazwi yano muvwa mpiti.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

1 Yoane 3:20

Yakampingu itu ndi yatuvunuka, twamanya ukuti Leza wene umukulu kuluta yakampingu itu. Wene wamanya vintu vyonsi.