1 Yoane 3:11 - Amazwi Yakwe Leza 2013

¹¹ Landwe lino muvwile kufuma ku utandiko likati mulinzile kutemwana.

1 Yoane 3:11 Referans Kwoze

Yoane 15:12

Lii lili sunde lyane lyakuti mutemwane ndi vino nemo namutemwa.

2 Yoane 1:5

Acino w e Mangu mukundwe, nkukulenga nkuti twatemwana. Ilamulo lii lino nkumulembela lisi lipya. Lyene ilamulo lino twapilwe kufuma ku utandiko.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.

1 Yoane 4:21

Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

1 Yoane 1:5

Ilandwe lino tuvwa kufuma ku Mwana wakwe nupya lino tukumunena kuti Leza ali luswepo, nga munoli mutaya mfinzi nanti panono.

1 Tesalonika 4:9

Citakulondekwa kumulembela pakutemwa kuno mwe muno mwataila mulinzile kutemwana. Mweisikulu Leza wamusambilizya vino mulinzile kutemwana.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Yoane 13:4

Caleka akatuka pa cakulya, azula ikoti lyakwe alika pa mbali, atoola cikutulo anyepa mu musana.

1 Yoane 4:11

Mwe yacuza akundwe, ndi Leza watutemilwe vivyo, catuzipila kuti naswe twatemwana.