1 Yoane 2:4 - Amazwi Yakwe Leza 2013

⁴ Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

1 Yoane 2:4 Referans Kwoze

1 Yoane 1:6

Lyene ndi twati tuli mu utandano na aliwe, lelo pa nsita ili imwi tukwikala mu mfinzi, ale tukutumpoka nga ni vicitwa vitu visyakulemana ni cumi.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

1 Yoane 1:8

Ndi twati tusi na maifyo, ale twaisomba sweisikulu, nga ni cumi cisi munotuli.

1 Yoane 4:20

Umwi ndi wati watemwa Leza, lelo wapata umwina wakwe, wene uwa ntumpu. Pano wene asyatemwa umwina wakwe wino akalola, uzye angatemwa Leza uli wino asilola?

1 Yoane 2:9

Wino wensi akalanda ukuti wene ali mu luswepo lelo wapata umwina wakwe, wene ali mu mfinzi na pa nsita kwene ii.

1 Yoane 1:10

Ndi twati tutatala twifya, ale lyene tukuti Leza uwa ntumpu, nga ni zwi lyakwe lisi munotuli.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Tito 1:10

Pano kwaya antu aingi yacisanguka, maka maka yao asenusi kufuma ku mipepele ya Ciyuda, nupya yano yakasomba antu yauze ku mvwango yao yaula mano.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

1 Yoane 3:6

Acino umuntu ali wensi wino akaikala muli Klistu wene asyaifya. Muntu ali wensi wino akaifya wene atatala wamulola nanti kumumanya.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.