1 Yoane 2:16 - Amazwi Yakwe Leza 2013

¹⁶ Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.

1 Yoane 2:16 Referans Kwoze

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Galatiya 5:17

Pano vintu vino untunze witu ukalonda vyapusana na vino Mupasi Wamuzilo akalonda, nga ni vintu vino Mupasi Wamuzilo akalonda navyo vyapusana na vino untunze ukalonda. Vii vyoili vyaya pa wanisi na cii cikusenula ukuti mutangacita vino mukasi kucita.

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Mapinda 27:20

Vino imfwa ni lindi vitatala viikuta, ali vino na manso ya muntu yatalatala ikute.

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

2 Petulo 2:10

Mwene alacita cii maka maka kuli yao akalondela imbunu zyao izya winyi, yao akasula maka yakwe. Yakasambilizya yaa aufi, apame nupya acilumba. Yene yasyacindika yao alulumbi mwiyulu. Lelo yakayatuka.

Yoswa 7:21

Pali vino twasamfile naweni ikoti ilisuma sana ilyaku Babiloni, na siluva angalingana impiya zya masyekele amakilogalamu yaili, ni ciulungwa cakwe zaabu icinyome ukucizya pali citika wakwe kilogalamu. Nakumvilwe ivintu vii nu kuvitola. Vyonsi vii mumavizana umwi taalu lyane amuno navifisa, kumwi na siluva umwisika lyaviko.”

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Masamu 78:18

Yezyanga Leza umwene uku mufulo sile, apa kumulenga icakulya cino yakulonda.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

1 Petulo 1:14

Mwayela Leza. Mutaleka kuti umi winu walondelela vilondwa vinu viipe wakwe lino mwali atutu.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Mateo 5:28

Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Masamu 73:6

Ali cino fwandi ni cilumba naco yakacizwala wa ukasi umu nsingo ni mpanzela nazyo wa mwingila.

Yobo 31:1

“Nemo napangana mpiti na manso yane ukukana lolekesya pali mwali.

Luka 4:5

Lyene Ciwa amukwezya pa mwamba papela, alino amulanga mawene yonsi amu nsi mu kasita kanono, nga amunena ati,

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.

Mpendwa 11:4

Nga nupya kwene antu yamwi, maka maka ainamasi yano yapitanga nayo, yuvwa musu. Ali cino aina Izlaeli iyaswilizya ukuilizyanya yati, “Si cange cizipe umwi atupela inyama tulye!”

Mateo 4:8

Nupya Ciwa amusenda papela ya mwamba utali cuze, amulanga mawene amu nsi yonsi nu lulumbi lwakweyo.

Masamu 78:30

Nga lelo lino yatali yasazye umusu, apa nsita kwene ino yalyanga, lino yatali yamiile nu kumila cakulya cao,

Mpendwa 11:34

Caleka iyatemela incende iya izina lyakuti Kibuloti Hataava (cikasenula ukuti “Lindi lya Musu”), pamulandu wakuti ali kuno yazisile antu yao yacamusu.

Mapinda 6:25

Utakumbwa ukuyemba kwakwe, utaleka akuleme pakukuzyongwela manso.

1 Kolinto 10:6

Lyene vii vyonsi ivilangililo kunotuli, vya kutusoka kuti tutalonda vintu viipe, ndi vino yene yacisile,

Utandiko 6:2

Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Yakobo 4:16

Lelo ndakai muli ni cilumba nupya mukuitumika. Kuitumika kwa musango uu konsi ukuluvyanya.