1 Yoane 2:10 - Amazwi Yakwe Leza 2013

¹⁰ Wino wensi akatemwa umwina wakwe wene ali mu luswepo, nupya munoli musi cimwi icingalenga umuntu umwi kwifya.

1 Yoane 2:10 Referans Kwoze

1 Yoane 3:14

Twamanya ukuti kutemwana kwitu kukasininkizya vino twafuma mu mfwa nu kuya mu umi. Wino wensi asyatemwa antu yauze wene acili mu mfwa.

Loma 14:13

Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

2 Petulo 1:10

Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

Mateo 13:21

Lelo yasiingila nu kwika misisi mukasi ka myenzo yao, nupya yasyaikalilila. Caleka lino ucuzi nanti kuzunyiwa viiza pamulandu wa mazwi yakwe Leza lilyo kwene yanenuka.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Masamu 119:165

Antu yano yatemwa amasunde yako yakwata umutende ufumaluke, nupya kutaya nanti cimwi icingayaponya.

Yoane 11:9

Yesu avwanga ati, “Uzye musanya utaya na ya aawa ikumi na yaili? Caleka umuntu ndi akupita musanya wene atangapumika, pano akulola luswepo lwa nsi ii.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

1 Yoane 2:11

Lelo wino wensi uwapata umwina wakwe wene ali mu mfinzi. Wene akapita mu mfinzi nupya atamanya kuno akuya, pano mfinzi yamupafuzya.