9 Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.
Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.
Fwandi we Yawe kutika, uteye amatwi yako kunotuli. Yula amanso utulolekesye. Uvwa ukupapata kwakwe nene ne muomvi wako lino inkupepela aomvi yako, aina Izlaeli, usiku nu musanya. Nkuilongwela na maifyo itu, swe ina Izlaeli. Nene ne mwisikulu pamwi ni ng'anda yonsi yakwe tata, ala twifya.
Antu aingi afumanga mu muputule wa mpanga ya Yudeya mu Yelusalemu yaile kunoli. Yene yailongwelanga maifyo yao, nga nawe ayawatizya mu luzi lwa Yodani.
wemo wauvwa amapepo ya antu yako. Ku mpanga kwene iyo kuno yaya, ndi cakuti yazenzuka yatandika nu kupepa, yailongwela na maifyo yao na vyonsi vino yakuluvyanyizye, we Yawe uvwa mapepo yao.
nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!
Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”
Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.