1 Yoane 1:6 - Amazwi Yakwe Leza 2013

⁶ Lyene ndi twati tuli mu utandano na aliwe, lelo pa nsita ili imwi tukwikala mu mfinzi, ale tukutumpoka nga ni vicitwa vitu visyakulemana ni cumi.

1 Yoane 1:6 Referans Kwoze

1 Yoane 4:20

Umwi ndi wati watemwa Leza, lelo wapata umwina wakwe, wene uwa ntumpu. Pano wene asyatemwa umwina wakwe wino akalola, uzye angatemwa Leza uli wino asilola?

1 Yoane 2:4

Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

1 Yoane 1:10

Ndi twati tutatala twifya, ale lyene tukuti Leza uwa ntumpu, nga ni zwi lyakwe lisi munotuli.

Mapinda 2:13

yayo akatazyela imikalile yampomvu apakuti yasyale sile yakupita umu misango yawinyi,

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yakobo 2:14

Inane ndi umwi walanda ukuti akweti utailo lino milimo yakwe isuma isyakulanga cisininkizyo cimwi cakuti akweti utailo, uzye usuma cii ungaya mu kulanda kwakwe? Uzye utailo uu ungamutuula?

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

Yoane 11:10

Lelo umuntu ndi akupita usiku wene angapumika, pano asi mu luswepo.”

Yakobo 2:18

Ndi cali umuntu umwi avwange ati, “Muntu wenga wakwata utailo, lino muze wakwata milimo.” Kulanda kwane kukuti, “Mundange vino umuntu angakwata utailo kwaula milimo isuma. Namamulanga utailo wane vino uli kupitila mu milimo yane.”

Masamu 82:5

Yene imbutuma nupya atumpe! Imiyele yao itazifile nanti panono, nu ulungami cili kwati watiufuma muno nsi.

1 Yoane 1:8

Ndi twati tusi na maifyo, ale twaisomba sweisikulu, nga ni cumi cisi munotuli.

Yakobo 2:16

Uzye cisuma cii icingaya mu kulanda kwinu ndi mwayanena mwati, “Leza amupolelele! Mwasungwa mu kaye nu kulya ningo!” Ndi mutangayapeela vikalondwa mu kusunga umi, ale musi cisuma cimwi.

Mateo 7:22

Pa wanda ulya uwa upinguzi, aingi yalavwanga kunondi yati, ‘Mwene, Mwene uzye asi mwi zina lyako amuno twakosololelanga? Uzye asi mwi zina lyako amuno twafumizizye mipasi yankota, nu kucita ivinjelengwe?’

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Masamu 94:20

Wemo musiuvwana napinguzi ya lufyengo, yao atemwa ukucita ulufyengo wi sunde.

Yoane 8:55

Nanti angala mutamumanya mu cumi. Lelo nemo namumanya. Ndi nati ntamumanyile, ale nakolana namwe mwe antumpu. Lelo nemo namumanya nupya nkayela mazwi yakwe.