1 Yamwene 8:7 - Amazwi Yakwe Leza 2013

⁷ Amapa yakwe yakelubi yano yaanzilwe, ayano yavimba Mbokosi kumwi ni mitembo ino yaisendile penepo.

1 Yamwene 8:7 Referans Kwoze

Ayebulai 9:5

Papela ya mbokosi pali vimwi ivyakoline wa angeli vino yakati yakelubi, vyalanganga kucindama kwakwe Leza. Vyali na mapa akonzolwilwe nu kuvimba pa mbokosi apali pa ncende pano maifyo yelelwanga. Lelo ndakai isi ili nsita yakulondolola vyonsi mu kuzika.

Kufuma 25:20

Mapa yakwe yakelubi yayo yakavungulukile papela ya ntupiko nu kuvimba ntupiko ya Mbokosi ya Upangano. Yakelubi yace yalolenkane aisikulu, ni vinso vyao ale vikulola pa ntupiko ya Mbokosi ya Upangano.

1 Yamwene 6:27

Awe fwandi ali vino wateesile yakelubi mukasikasi ka muputule wa Ncende Yamuzilo, ale yatiyanza amapa mu musango wakuti lyakwe wenga ale ilisinta ku lung'umba na lyakwe muze nalyo ku lung'umba. Alino lyene amapa yao yoili nayo yatiyakomenkana apakasi ka muputule.

1 Yamwene 8:6

Lyene yasimapepo yasenda Mbokosi ya Upangano nu kuingizya mu Ng'anda ikulu yakwe Leza. Yaya yaiteka apa Ncende Yamuzilo kuluta umwisika ya mapa yakwe yakelubi.

1 Yamwene 8:8

Imitembo nayo yali itali sana cakuti visinte vyakweyo vyalolekanga sile lwa pansi ya muputule wa Ncende Yamuzilo, ndi cakuti wimilila ukulolenkanya Mbokosi iyo apakasi ka ng'anda, lelo nguli kutali awe. Ukufika na pilelo imitembo iyo apano icili.

Mpendwa 4:6

Alino lyene yangavimbapo impapa inyuke ningo nu kuvimba papela insalu ya cifungo. Alino nu kwika mipingilo ningo iyakusendela mbokosi.

Ezaya 6:2

Apapela yakwe paimi yaselafimu, ala yakulunkuma sile uku cimbilimbili ca moto. Cila wenga wakweti amapa mutanda, mapa yaili ala yatiyavimba apa manso yao, nga na yaili ala yatiyavimba ingazo zyao, nga amapa asyala yaili ala akupapukila kweneko.