1 Yamwene 21:3 - Amazwi Yakwe Leza 2013

³ Lelo Naboti aasuka ati, “Ivikolwe vyane ivyansilile icalo cii ca matingi. Ali cino cakana sana, pano na Yawe walesya cico.”

1 Yamwene 21:3 Referans Kwoze

Mpendwa 36:7

Icipande ca ina Izlaeli cisi nu kufuma kweneko nu kuya ku mutundu uze. Aina Izlaeli yonsi wenga wenga yali nu kusyala sile ni cipande caupyani ca mpanga ya mutundu wa vikolwe vyao.

Aina Levi 25:23

“‘Mpanga inu italinzile kukaziwa kwa kuyelelela pe, pano isi impanga inu foo. Yene impanga yakwe Leza. Mwemo muli wa inamasi yano yazumiliziwa kuiomvya sile.

Ezekelo 46:18

Intunguluzi ikuteeka itakwata insambu yakupokolola icuma ca antu yauze. Umu mpanga sile yakweyo ali muno ilinzile kupeela ana yakweyo aonsi utuvitungu tuno nayo yangaikwatila, ali pakukana pokolola antu yane yamwi impanga yao.”

Loma 6:15

Uzye lyene icani? Uzye twaifya, pamulandu wakuti tukateekwa ni cikuku cakwe Leza, nga tusyateekwa na masunde? Citangaya vivyo!

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

1 Kolinto 6:15

Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!

Loma 7:13

Uzye lyene cii cikusenula ukuti icintu cisuma icandenga kuya mufwe? Awe, asi vivyo! Lelo iifyo ilyacisile vii. Pa kuomvya icintu cisuma, iifyo lyandetela imfwa pakuti mucumi umwata wakwelyo uwa kwifya usokololwe. Acino kupitila mu Masunde, iifyo likaloleka kuya lipisye.

Loma 7:7

Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 3:6

Awe citangaya! Ndi Leza asi mololoke, uzye lyene angapingula uli amu nsi?

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Yobo 27:5

Ntalatala nezye ukuzumilizya ukuti mukuvwanga vyacumi, mpaka sile ni mfwa yane, ntalatala inte ukuvwanga ukuti nene muntu umwi uwakaele.

1 Milandu 11:19

Alino avwanga ati, “Ntangamwa amanzi yaa! Cingakolana kwati nkumwa uwazi wa antu yaya atasakamile umi wao!” Acino wene wakanyile ukumwa amanzi yayo. Vii, ivyali vili vicitwa vyakuposya kwa asilika yaya yatatu alumbuke.

1 Samueli 24:6

nga anena antu yakwe ati, “Si angala Yawe andesye ukucitila umusambazi wane icintu icamusango uu, wikwene wino Yawe wasolola ukuya umwene! Nemo ntalinzile ukumucitila iciipe icili consi, pamulandu wakuti wene umwene wino Yawe wasolola!”

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

Yoswa 24:16

Lyene antu yaasuka yati, “Cipelele ukutali na kunotuli ukutazyela ukutumikila Yawe kuti tukatumikila tuleza tuze!

Yoswa 22:29

Cipelele ukutali kuti swemo tusangukile Yawe nu kumufutatila ilelo pa kumukuulila kavuwa ka mawila yakoca, nu kupeelapo amawila ya cakulya ni mpolelwa, ukuluta kupelela pa kavuwa kakwe Yawe kano kali ku nkolelo yi Taalu lyakwe.”

Utandiko 44:17

Yosefu avwanga ati, “Awe ntangacita vivyo! Suka sile azanyilwe nu lwako mwi saka lyakwe amaya muzya wane. Mwemuno mwasyala mwensi, mungaswilila kuli so mutende nupya antungwa.”

Utandiko 44:7

Antu yalya yamwasuka yati, “Musambazi tutamanyile cino ukuvwanga. Kunotuli cipelele kutali ukucita icintu camusango ndi uwo.

Mpendwa 36:9

Icipande fwandi citange cifume ku mutundu onga nu kuya ku uze, pano cila mutundu uwa ina Izlaeli ulinzile kusunga impanga ino wapyana.”