1 Yamwene 21:2 - Amazwi Yakwe Leza 2013

² Wanda umwi Aabu anena Naboti ati, “Umpeele icalo cako ca matingi pakuti amuno nalima mwenemo umusalu, pamulandu wakuti capalamisya kwisano lyane. Nani namakupeela calo cuze icisuma ca matingi. Nanti ndi watemwa inkupeele ulupiya ulungalingana nu mutengo wa calo cako.”

1 Yamwene 21:2 Referans Kwoze

1 Samueli 8:14

Alatola ivyalo vinu ivisuma ukuluta, ni vyalo vya matingi, nu tupukutu twa miolivi, nga avipele ku yaomvi yakwe.

1 Timoti 6:9

Lelo yao akulonda kuya akama yene yakaponela mu kweziwa nupya yalemwa mu citeyo ca vilondwa vya kutumpa nupya vya uzanzo. Vii vikayatwala ku kononeka, nu ku ulovyo.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Lwimbo lwakwe Solomoni 4:15

We nawinga wane, wewe uli kafukoka akakutapilila icalo cane, wewe uli cifula ca manzi akakonkoloka, yano yakapongoloka ukufuma mu Mwamba wa Lebanoni.

Kasambilizya 2:5

Nalimile imiyanda indema ni mitingi ino ikaseeka vizao vipusanepusane.

2 Yamwene 9:27

Lino Aaziya umwene waku Yuda walola icacitika, autuka atumbela umuseo waku Beti Hagani. Yeu nawe amucocovya, ale akulasa inceto nu kupunda ati, “Nawe kwene mulasini sile!” Ali vino nayo yamulasa, ale ali mwi celeta lyakwe mu museo uwalungama ku Guli, pipi nu musumba wa Ibeleamu. Lelo wene autukila ku Megido, akuno aya afwila.

1 Samueli 29:6

Akisyi aama Davidi nga amunena ati, “Icumi nalapa umwi zina lyakwe Yawe waumi ukuti wewe muntu umwi uwacumi. Nemo apa lwane ningatemwa sana ukuti tupite swensi ku nkondo. Nemo intazana akai nanti kamwi muli wewe, ukufuma pa wanda uno wizile uzina ukwane.

1 Samueli 8:6

Lelo Samueli atatemilwe ukulenga kwao awe, ukwakukwata umwene. Acino wene apepa kuli Yawe.

Malango 11:10

Impanga ino mwatimwaingila mwenemo isi wa mpanga ya Eguputo kuno mwafumile, kuno mwakomile imbezu zinu nu kuzikontelela ndi vino mukakontelela imiyanda ya misalu.

Malango 5:21

“‘Utakumbwa umuci wa muzo. Utakumbwa ng'anda nanti mpanga ya muzo, nanti umuomvi wakwe umonsi, nanti umuomvi wakwe umwanaci, masaye wakwe nanti punda wakwe, nanti icili consi cino wakwata.’

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

Utandiko 16:6

Lyene Abulamu azumila ati, “Cisuma, Haga acili muzya wako nupya acili mu makasa yako. Cita consi cino ukulonda kunoli.” Lyene Salai atandika kuzunya Haga cakuti asuka apuuka.

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

1 Yamwene 21:3

Lelo Naboti aasuka ati, “Ivikolwe vyane ivyansilile icalo cii ca matingi. Ali cino cakana sana, pano na Yawe walesya cico.”

1 Yamwene 21:6

Nawe amwaasuka ati, “Apamulandu wakuti nalinanena Naboti umwina Yezileele kunkazya icalo cakwe ca matingi, nanti ndakasi, imupele icalo cuze ca matingi. Lelo wene wali wavwanga wati, ‘Nemo ntange nezye ku kupeela calo cane ca matingi.’ ”