1 Yamwene 2:4 - Amazwi Yakwe Leza 2013

⁴ Ndi cakuti wayela, ale lyene Yawe nawe alafikilizya ulayo uno wandavile ati, ‘Ndi cakuti amu mupanda wako yatekela mu wikazi wao, ndi yamanjelanga ni myenzo nga nu umi wao onsi, ale utalatala uulizye umuntu uwakuteeka Izlaeli.’ ”

1 Yamwene 2:4 Referans Kwoze

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

1 Yamwene 8:25

Nga lelo we Yawe, Leza wa ina Izlaeli, nakupapata walukusunga amalayo yako yano walavile tata Davidi, uti, ‘Lyonsi sile ana yako aliyo yalaya aene amu Izlaeli. Cikulu sile yalondela ivisuma ndi vino wemo ukacita pa manso yane.’

2 Samueli 7:25

“Acino ndakai, we Yawe nkukulenga kuti ufikilizye amalayo yako yano wacita pali nene ne muomvi wako na amu mupanda wane, ukucita ndi muno walavile.

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Masamu 37:22

Yano Yawe akapolelela yalikala ningo umu nsi, lelo yao yano akatipwila yalasukulwa.

Masamu 37:9

Pano yayo acita cipyu yalayazinga, na yayo alataila Yawe, yalikala umutende umu mpanga.

2 Milandu 17:3

Yawe wapolelile Yeosafati pano wakweti imisango yakwe isi Davidi ino wacitanga apakutandika, nupya wene atapepanga Tubaali. Wapepanga sile nu kutumikila Leza. Atalondelanga nanti ukucita ivyacitanga yamwene aku Izlaeli.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Yamwene 23:25

Pali yamwene yonsi atandikile penepo ukuteeka, patali nanti wenga wino tungalinganya na Yosiya, pano wene watumikilanga Yawe nu mwenzo wakwe onsi, na mano yakwe yonsi, na maka yakwe yonsi. Walondelanga na masunde yakwe Mose yonsi, nupya kutatala kwaya umwene angalingana na Yosiya.

2 Yamwene 23:3

Lilyo ale Yosiya aimilile mu lucesi luno yasimapepo yimililanga mwenemo. Ali pakucita upangano uwa kutontela Yawe, nu kuyela amasunde ni vyeo vyakwe, nu mwenzo wakwe onsi, na mano yakwe yonsi, na maka yakwe yonsi. Alino nu kwika vyonsi umu vicitwa ndi vino calembwa mu lupapulo kwene lulwa. Antu yonsi nayo ali pakuzumilizya ukulondela upangano uwa.

1 Yamwene 9:5

lyene ale ndaleka icilimba ca wene wako ciyelelele mu Izlaeli wakwe muno nalavile so inti, ‘Utalatala uulizye umuntu wako pa cilimba ca wene uwamu Izlaeli.’

1 Yamwene 8:23

nga apepa ati, “Iye, we Yawe, Leza wa ina Izlaeli, kutaya Leza akoline nawe pano pansi nu mwiyulu nanti pansi ya nsi! Wemo ukaiusya nu kusunga upangano wako na antu yako, nu kuyalanga ukutemwa ukwamuntaputuka, ndi yakucita ukulonda kwako.

1 Yamwene 3:14

Nupya ndi cakuti umalondelanga umu ntampulo zyane, wawaka na masunde yane pamwi ni vyeo vyane ndi vino so Davidi wacitanga, ndavuzya amanda ya umi wako.”

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 7:12

“Ndi mwasumba amano ku masunde yaa nu kutekela ukuyalondela, ale lyene Yawe Leza winu alatwalilila ukuwaka upangano wakwe uno wacisile namwe nupya alamutemwa nu kutemwa kwakwe ukwa pe, wakwe vino walavile ivikolwe vinu.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Aina Levi 26:3

“Ndi mwalondela amasunde nu kuyela malamulo yane,

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

2 Milandu 6:16

Ali cino lyene fwandi, we Yawe Leza wakwe Izlaeli ungala usunge na malayo yano walavile tata Davidi umuomvi wako, lino wavwanzile uti, insita sile zyonsi swe ana yakwe Davidi, wenga uwamu mupanda wakwe tata amaikalanga apa cilimba ca wene, icakuteeka aina Izlaeli, cikulu sile naswe twalondela amasunde yako ningo wakwe vino Davidi umweneco wacitanga.

2 Milandu 7:18

ale lyene ndasunga ulayo uno nalavile so Davidi icakuti wewe na ana yako mumateekanga aina Izlaeli imyaka yonsi.

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Masamu 119:9

Uzye kwene umulumendo angaya uli uwakaele umu mipitile yakwe? Yangacita cico umukuyela amazwi yako.

Yelemiya 33:17

Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

1 Yamwene 1:48

nga apepa ati, ‘Alumbanyiwe Yawe, Leza wa ina Izlaeli, wino ilelo kwene wataika wenga uwamu mupanda wane pa cilimba ca wene. Nupya wene watandenga ukuya nu umi nu kulola icintu cii!’ ”

1 Yamwene 6:12

“Wakwe vino ciili pa Ng'anda ikulu yakwe Leza ino uku kuula, wemo ndi cakuti umalondelanga amasunde yane, pamwi ni vyeo vyane vyonsi ndakucitila vino nalavile so Davidi.

1 Yamwene 11:36

Lelo umwana umonsi wakwe Solomoni ndamusila umutundu onga, pakuti lyonsi kwene ince nkwate umwi uwa mupanda wa muomvi wane Davidi, uwakuteeka mu Yelusalemu, umusumba uno nasolola kuti amuno yampepela.