1 Yamwene 2:1 - Amazwi Yakwe Leza 2013

¹ Lino Davidi waya mu pipi nu kufwa, aama Solomoni umwana wakwe pakuti amunene amazwi yakwe akusyalikizya autunguluzi. Amunena ati,

1 Yamwene 2:1 Referans Kwoze

Utandiko 47:29

Lino Yakobo walola insita ya mfwa yakwe yapalama atuma uwakuya ama Yosefu umwana wakwe umonsi. Nga lino Yosefu wafika kunoli, Yakobo amunena ati, “Ndi wantemwa, pisya makasa yako mu mpamba zyane alino ulape mulapo ukuti ndi naca nafwa utalanzika muno mu Eguputo.

Malango 31:14

Lyene Yawe anena Mose ati, “Utakweti lyene amanda avule pano pansi. Wasya ufwe. Aama Yoswa mulete kuno mwi Taalu lya Ukongano pakuti imupele amazwi ya utunguluzi akusyalikizya.” Acino Mose na Yoswa iyaya kwi Taalu lya Ukongano.

2 Timoti 4:6

Ndakai insita yatifika yakuti nkomwe wa mpolelwa. Nsita yatifika yakuti nemo insye umi uu.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

Malango 3:28

Wemo peela sile Yoswa amalamulo. Fwandi umukomelezye nu kumupeela inzyansyo, pamulandu wakuti aliwe alatungulula antu ku kulamba nu kuyapoka nu kwikala mu mpanga ino wemo umalola sile.’

Mpendwa 27:19

Alino mutwale nu kumwimika ku nkolelo yakwe simapepo Eleaza nga ni iuvi lyonsi, nga lyene pa manso yakwe onsi ulande ukuti aliwe amatola amalo yako.

Malango 33:1

Kuu, kuli kupolelela kuno Mose, umuntu wakwe Leza wapolelile aina Izlaeli lino atacili afwe.

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

1 Yamwene 1:53

Lyene umwene Solomoni atuma akuya aama Adoniya nga iyamuleta ku kavuwa. Alino Adoniya aya apaali umwene afukama pansi, nga umwene amunena ati, “Pitanga ukwako.”

1 Milandu 22:6

Alino Davidi atuma akuya aama Solomoni umwana wakwe umonsi nga amukonkomezya ku kuulila Yawe Ng'anda yakwe ikulu, Leza wa ina Izlaeli.