1 Yamwene 10:1 - Amazwi Yakwe Leza 2013

¹ Lino namwene waku Syeba uvwa ululumbi lwakwe Solomoni pa kuya mu utandano na Yawe, aiza ku Yelusalemu ku kumwezya na mauzyo akome.

1 Yamwene 10:1 Referans Kwoze

Mateo 12:42

Pa wanda wa upinguzi namwene uwaku kaeya alimilila pamwi na antu amu mukulo uu nu kuyasinila, pano wapisile mpanga itali cuze kuya ku mwene Solomoni ku kuvwa mazwi ya mano kunoli. Lola, umwi mukulu kuluta Solomoni ali pano.

Luka 11:31

Pa wanda wa upinguzi namwene uwaku kaeya alimilila pamwi na antu amu mukulo uu nu kuyasinila, pano wapisile mpanga itali cuze kuya ku mwene Solomoni ku kuvwa mazwi ya mano kunoli. Lola umwi mukulu kuluta Solomoni ali pano.

Masamu 72:15

Umwene wa pano nsi kalukupita ulumi! Kaatuulwa zaabu uwaku Alabya, kayalu kumupeela insita zyonsi, na Leza kalu kumupolelela pee!

Utandiko 10:28

Obali, Abimaele, Syeba,

Utandiko 10:7

Ana yakwe Kusyi aonsi a Seba, Havila, Sabita, Laama na Sabiteka. Ana yakwe Laama aonsi a Syeba na Dedani.

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Ezaya 60:6

Ingamila zimaizanga kunuli, iciufyo. Zimafumanga uku Midyani nu ku Efa. Zyonsi sile ni zyaku Syeba ziliza ala zyatizisenda zaabu nu ubani. Umu cumi antu yalalumbilizya vino Leza wacita.

Masamu 72:10

Yamwene aku Tasyisyi, na yaya aikala lwa mu vilila yalukuleta amawila kunoli. Yamwene aku Syeba na aku Seba nayo yalukuleta ivya mawila kunoli.

Masamu 49:4

Nemo nkuma sile umulumbe, nu kuulwila umwi zeze.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Yobo 6:19

Imilongo ya alendo ukufuma uku Tema ikalondesya ukuli amanzi, imilongo ya aculuzi aku Syeba ikapaalila ukuyazana.

1 Yamwene 4:34

Yamwene umu nsi yonsi yuvwa ivya mano yakwe Solomoni nga iyatuma antu akuya uvwa kunoli.

1 Yamwene 4:31

Wene wali uwamano ukuluta antu yauze asyala, kumwi na Etani uwaku Ezala, ukuluta Hemani, Kalikoli, Dala, na ana aonsi yakwe Maoli. Nga ululumbi lwakwe ilusalangana ku nko zyonsi ukuzinguluka impanga yakwe.

Utandiko 25:3

Yokisyani wali a Isi wakwe Syeba na Dedani, na ana yakwe Dedani aonsi yali aina Asyuli, aina Letusi na Leumi.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Mako 4:34

Atayasambilizyanga cimwi kwaula kuomvya milumbe, lelo ndi wikala pamwi na alondezi yakwe ataomvyanga milumbe, lelo walondololanga vyonsi kunoyali.

Mateo 13:35

Cii cacitike pakuti cifikiliziwe cino kasema wavwanzile ati, “Ndavwanga kunoyali mu milumbe, Ndasokolola vintu vino vyafiswa kufuma ku utandiko wa nsi.”

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Ezekelo 38:13

Aina Syeba, Dedani, aculuzi aku Tasyisyi nga nu tumizi tonsi utwamuzinguluka yalakuuzya yati, ‘Uzye watwizila sile umu kutusampa ivyuma? Uzye wakolonganika ivita vyako apa kutupokolola sile ivyuma nu kutusendela zaabu na siluva, iviteekwa ni vya uculuzi vyuze ni vyuma vyuze nyanya?’ ”

Ezekelo 16:14

Walumbwike umu mitundu pa lwa kuyemba kwako, pamulandu wakuti anene nakuyemvizye ukuyemba kumwi ukumalilike ni viyembelo vya mutengo. Vii ivyalanda ne Yawe Simwandalali.

1 Yamwene 5:14

Nga alasika Adonilamu pa utunguluzi pakasi kao. Ayapaatukanya mu maumba yatatu. Cila iumba lyakweti aonsi amazimbi ikumi, nupya cila iumba lyaombanga ku Lebanoni umwezi onga, nu kumwao nako imyezi iili.

1 Yamwene 10:24

Antu yonsi amu nsi yalondanga ukuya kuli Solomoni pakuti yamanye amano yano Leza wamupeela.