1 Timoti 6:9 - Amazwi Yakwe Leza 2013

⁹ Lelo yao akulonda kuya akama yene yakaponela mu kweziwa nupya yalemwa mu citeyo ca vilondwa vya kutumpa nupya vya uzanzo. Vii vikayatwala ku kononeka, nu ku ulovyo.

1 Timoti 6:9 Referans Kwoze

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.

1 Timoti 3:7

Intunguluzi ilinzile kuya umuntu wino wacindikwa na antu asi amwi uvi, pakuti wene atazewana nu kuponela mu citeyo cakwe Ciwa.

Milimo 8:20

Lelo Petulo amwaasuka ati, “Silowa pamwi nu lupiya lwako, pano ukwelenganya vino ungakala uwila wakwe Leza nu lupiya!

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Mako 4:19

Lelo masakamiko ya wikazi wamu nsi ii, kusombwa nu ukama, nu kulonda kwa vintu vyuze, vikaingila nu kutotola mazwi. Alino yasyaseeka vizao.

Mateo 26:15

ayauzya ati, “Uzye ndi namukoopela Yesu, mumampela cani?” Alino nao yamupeela impiya makumi yatatu zyakwe siluva.

Mateo 19:22

Lino mulumendo uvwa cii, aya nu ulanda nga apita akungumile, pano wali umukama cuze.

Mapinda 22:16

Ukucuzya umulanda, kuli kumulundilapo ukama. Nu kupeela umukama uwila kuli kumucita umulanda.

Mapinda 21:6

Ivyuma vyakulonkela mu ucenjezi vyene visilengela ukulowa. Nupya vikatala visya umuntu ku pipi ni mfwa.

Mapinda 20:21

Ivyuma ivikalonkwa zuwazuwa apa kutandika, visipolelelwa apakusyalikizya.

2 Timoti 2:26

Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

Luka 21:35

Pano uwanda ulya ukoline wa citeyo nupya ulapumikizya antu yonsi pano nsi.

Zakaliya 11:5

Aeneco ya mfwele yasya yazikome ukwaula ukupelwa umulandu, yasya yazikazye, nu kuvwanga ala yakuvwanga yakuti, ‘Leza twakutaizya, pano lyene twaya akama! Na yayo kwene akazicema yasikutala yazitezele foo.’ ”

Ezaya 5:8

Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Mapinda 23:4

Utaivunola apakulonda ukama. Ndi cakuti wewe wa mano suulako sile.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Yoswa 7:11

Aina Izlaeli yatiyifya. Yatiyaluvyanya Upangano wane uno nayapile ilamulo kuti yausunge. Yene yatiyatola ivintu vimwi vino vyapeelwa ku kononwa. Yene yatiyaviya, yatiyatumpoka, yatiyavifisa mu viya vyao.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Mpendwa 31:8

Iyasalipa na yamwene yasano ya ina Midyani, ali wakwe Evi, Lekemu, Zuli, Huli na Leba. Iyakomola kumwi na Balamu umwana wakwe Beoli.

Mateo 6:19

“Mutaika vyuma vinu muno nsi, umwaya uwonyi ni ngalawa, muno aiivi yakatama nu kwiya.

Luka 12:21

Yesu amalilila kuvwanga ati, “Vii, avino cilaya na kuli wino wensi akaitulikila ivyuma umwisikulu, lelo asi mukama pa manso yakwe Leza.”

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

1 Yamwene 21:6

Nawe amwaasuka ati, “Apamulandu wakuti nalinanena Naboti umwina Yezileele kunkazya icalo cakwe ca matingi, nanti ndakasi, imupele icalo cuze ca matingi. Lelo wene wali wavwanga wati, ‘Nemo ntange nezye ku kupeela calo cane ca matingi.’ ”