1 Timoti 6:20 - Amazwi Yakwe Leza 2013

²⁰ We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”

1 Timoti 6:20 Referans Kwoze

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

2 Timoti 2:16

Fumako kukulazyanya kukowele nupya ukwa uwelewele kuno kukafumya antu kuli Leza.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

1 Timoti 6:14

uyele vyonsi vino wanenyilwe nu kuya uwacumi kulivyo kufika na pa Wanda uno Yesu Klistu Mwene witu alaloleka nupya.

2 Tesalonika 2:15

Caleka, mwe ina itu, muzyansye nu kutwalilila kulondela vya cumi vino twamusambilizye, mu kukosola nu mu makalata itu kwene.

Tito 3:9

Lelo funtuka ku vikanza vyakutumpa, nu ku utantiko wa mazina ya vikolwe, kulemanila, nga nu kuntuvwana pali vino Masunde yakwe Mose yakasambilizya.

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

2 Tesalonika 1:4

Uli mulandu uno swemo tukaitumika pamulandu winu mu mauvi yakwe Leza. Swemo tukaitumika pa kutwalilila kwinu ukwa kuposya, nga nu kutaila lino mukupita mu kuzunyiwa nu mu macuzi amuponile.

Tito 1:14

Alino lyene yatalemelela ku kutaila tulai twa uwelewele utwa Ciyuda nga nu ku masunde ya antu. Masunde yaa yakapangwa na antu yano asyayela icumi.

Tito 1:9

Wene alinzile kulemelela na maka kwi landwe lino lingatailwa nupya lilingine nu usambilizyo wa cumi. Mu musango uu, amuno usambilizyo wao wa cumi ungakomelezya yauze nupya amuno yene yangasokolola kuluvyanya kwakwe yayo akakana usambilizyo kwene uu.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

1 Timoti 4:7

Lelo utaluke ku vilai vya uwelewele wakwe vino yanakalale yakalaika. Uyelezye umi wakucindika Leza.

1 Timoti 1:6

Antu yamwi yasya vii yalondela vyakulanzyanya kwa uwelewele.

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

Milimo 17:21

Pano onsi aikala mu musumba wa Atena na inamasi atenzimo yatemilwe ukusumba utusita twao tonsi mu kuvwanga nu kuvwa amazwi ya pa vintu vipya.)

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Umbwilo 3:3

Acino iusya vintu vino wasambiliziwe na vino uvwile. Uwayela vintu vivyo nupya uzenzuke. Ndi utazyusile, ndiza panuli wa mwivi, nupya utalamanya insita ino ndizilapo.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

Loma 1:22

Yakaitaka kuya antu yamano, lelo yene iviwelewele.

Milimo 16:1

Paulo waile ku Debe nu ku Lisitala, kuno wenga pa ataile uwizina lyakwe Timoti wikalanga. Nyina wakwe Timoti nawe kwene wali wenga pa ataile nupya wali u Muyuda. Lelo Isi wene wali u Mugiliki.

1 Timoti 1:2

Kuli Timoti wino mu utailo witu ali wa mwana kunondi. Leza Tata nu Mwene witu Klistu Yesu akupeele cikuku, mizu, nu mutende.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.