1 Timoti 6:17 - Amazwi Yakwe Leza 2013

¹⁷ Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Timoti 6:17 Referans Kwoze

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Mapinda 11:28

Wino wensi akataila mu vyuma vyakwe alaonza nu kulowa, lelo antu akacita vyaololoke yene yalapuka wa mafwa alembe.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

Mateo 19:23

Lyene Yesu anena alondezi yakwe ati, “Cumi namunena vino cilatalila mukama kwingila mu Wene wa mwiyulu.

Mapinda 27:24

Pano ivyuma visiyelelela pe, nu wene usiikalilila mpaka umu nkulo zyonsi.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Luka 19:2

Lyene kwiza umwi, izina lyakwe a Zakeyo, uwali umukalamba wakwe yakasonkesya. Nupya wali umukama.

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.

Malango 8:17

Caleka, lyene mutalinzile mwaelenganya ukuti mwaipangila icuma ku maka inu nu kukoma kwa makasa inu.

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Mapinda 23:5

Ivyuma vyako limwi ungaponga nakuno viile, ungati sile ivintu vino vimezile amapa nu kupapuka wakwe lyang'anda.

Masamu 104:28

Wemo ukavipeela nga navyo ivilya, ukaviteyanyizizya ivyakulya navyo iviikuta.

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Masamu 52:7

“Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

Malango 33:15

Si leka iviseekwa visuma wakwe cimwi vitambalizye pa myamba yao iyampiti.

Utandiko 13:2

Abulamu ala umukama cuze, wakweti imfwele, imbuzi, ni ng'ombe alino na siluva na zaabu.

2 Timoti 4:10

Demasi wene watemwa ivyamu nsi nupya wamfutatila, waya ku Tesalonika. Klesensi wene wapita ku Galatiya, Tito nawe ku Dalamatiya.

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

1 Timoti 1:3

Nkulonda kuti wemo wikale mu Efeso, wakwe vino nakukonkomizye lino nayanga ku Makedoniya. Antu yamwi kuku yakusambilizya masambilizyo yaufi, acino nkulonda kuti uyalesye.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

Milimo 14:27

Lino yafika mu Antioki, yakonganika iuvi lyonsi, yayalandila vyonsi vino Leza wayacitile, na vino wapile Akulukuwa isyuko kuti yataile.

Mako 10:24

Alondezi yazunguka pa mazwi yakwe, lelo Yesu avwanga nupya ati, “Yana mwe, catala kwingila mu Wene wakwe Leza!

Mateo 27:57

Manguzi, kwiza mukama umwi uwaku Alimatiya, izina lyakwe a Yosefu, nawe kwene wali mulondezi wakwe Yesu.

Mateo 6:32

Suka sile antu atataila Leza alio yakasakamala pa vintu vii vyonsi. So uwa mwiyulu wene wamanya vino mukalonda vintu vii vyonsi.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Ezekelo 16:56

Uzye asi munyonko Sodoma wino wambanga mwi lyasi lyako mu nsita ya cilumba cako,

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Tito 3:6

Leza watupongololwile Mupasi Wamuzilo nu kuluta muli Katuula witu Klistu Yesu.

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

Kasambilizya 2:24

Fwandi icintu cisuma cino umuntu ali wensi angacita, ukulya nu kumwa nga nu kuilyokezya pa vintu vino walonka. Lelo nilwike ukuti vyonsi vii vikafuma kuli Leza.

Yelemiya 49:4

Icani cino ungaitakizya apa manyika yako, ukuitakizya pa manyika yako yao amuzano? Iyee mwe we kaciwe wakantu uwaula utailo, wataila apa vyuma vyako vino wakoozya, uti nu kuti, ‘Aweni angezya ukundwisya?’

Mateo 12:32

Wino wensi alavwanga mazwi aipe pa Mwana wa Muntu angelelwa. Lelo wino wensi alavwanga mazwi aipe pali Mupasi Wamuzilo wene atalelelwa, ndakai ni nsita ikwiza.

Luka 3:11

Nawe ayanena ati, “Wino wensi ali na malaya yaili, alinzile apeleko wino atakweti. Na wino wensi ali ni cakulya, alinzile ankanye auze.”

1 Timoti 6:9

Lelo yao akulonda kuya akama yene yakaponela mu kweziwa nupya yalemwa mu citeyo ca vilondwa vya kutumpa nupya vya uzanzo. Vii vikayatwala ku kononeka, nu ku ulovyo.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

Mateo 25:16

Muomvi uwaposile impiya mazimbi yasano apita lilyo kwene, atandika kuziomvya azanilapo nazyuze mazimbi yasano.