1 Timoti 6:15 - Amazwi Yakwe Leza 2013

¹⁵ Klistu alaloleka pa nsita ino Leza wateyanya, Leza uwapolelelwa wenga sile ali kateeka. Wene Akateeka wakwe yakateeka nupya Mwene wakwe yamwene onsi.

1 Timoti 6:15 Referans Kwoze

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

Yelemiya 46:18

Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Mapinda 8:15

Akaazwilizya yamwene ukuteeka, ni ntunguluzi ukupeela amasunde alungame anene kwene.

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Ezila 7:12

Mwali amazwi akuti, “Ukufuma kuli Alitakisesi umwene mukalamba. Nalemba kuli Ezila, simapepo, kalemba wa masunde yakwe Yawe Leza wa mwiyulu.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Masamu 136:3

Taizini Mwene Leza wakwe yamwene, pano luse lwakwe ulwa pe na pee.