1 Timoti 6:11 - Amazwi Yakwe Leza 2013

¹¹ Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

1 Timoti 6:11 Referans Kwoze

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

1 Kolinto 10:14

Acino mwe yacuza akundwe, leukini ku kupepa tuluwi.

1 Petulo 3:11

Wene alinzile kuzenzuka ku viipe, atandike kucita visuma. Nupya alinzile kucita vya kuleta mutende nu mwenzo wakwe onsi.

1 Kolinto 6:18

Leukini ku uzelele. Iifyo lyonsi lino umuntu angacita lisyakowezya mwili wakwe. Lelo umuntu wino akacita uzelele wene akaifya ku mwili wakwe umwisikulu.

Masamu 34:14

Tiini ukucita iviipe, mwacita sile ivisuma. Mwatemwa ukwikala umu longo, nu kwikala kwene avino mwikale.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Kolinto 14:1

Mwaezya kupimpa kukwata kutemwa. Ikini myenzo inu pa mawila kufuma kuli Mupasi Wamuzilo, lelo nu kuluta ikini mano pa wila wa kusema ilandwe kufuma kuli Leza.

Loma 14:19

Caleka tulinzile kwezya kwikala mutende nu kwazwana kukwata utailo ukome.

Ezaya 51:1

Yawe wavwanga wati, “Uvwini kunondi mwe yano mukalonda ukupusuka, mwemuno mukasi mwilile kunondi uku kulenga uwazwilizyo. Iusini iciliwe cino mwatuntuka kweneko nga ni mbu muno yakwimvile.

Masamu 38:20

Pa visuma vyane yene yakancitilapo ui. Yakundwisya nemuno nezyanga ukucita ivisuma.

2 Yamwene 5:20

Geazi, umuomvi wakwe Elisya umuntu wakwe Leza, asyala akwelenganya ati, “Mutaweni vino musambazi wane wapanya isyuko pali Namani, wakana kuti amulifye nanti kamwi akanono! Vino ngano waliwapokelela sile vya mawila vino umwina Asilya wilya walakumupeela. Nalapa mwi zina lyakwe Yawe waumi, ukuti nkamulondelele uleke nkatole nanti sile akantu kamwi.”

1 Timoti 6:20

We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”

Yelemiya 35:4

Injatwala ku ng'anda yakwe Yawe yi pepo. Naingizya mu muputule wa ana yakwe Hanani, umwana wakwe Igidaliya umuntu wakwe Leza. Nu muputule uo wali mu pipi nu muputule wa vilolo, apapela nu muputule wakwe Maseya, umwana wakwe Syalumu kalinda wa mpongolo ya ng'anda yakwe Leza.

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

2 Yamwene 23:17

Yosiya ali pa kuuzya ati, “Uzye ilindi lii, ilyakwe weni?” Aina Betele nayo yaasuka yati, “Ilindi lyakwe kasema umwi uwaku Yuda, wiyo uwasesime vino wewe kwene watucita uku kavuwa kaa.”

2 Yamwene 1:13

Acino umwene wilya atuma musika mukulu uwa vita namuze pamwi na antu yakwe amakumi yasano. Lelo musika uwa vita wii wakwe citatu atumbela nga aya afukama pa ngazo zyakwe Eliya. Alino amupapata ati, “We muntu wakwe Leza, napapata utangonona pamwi na antu yane yaa amakumi yasano.

2 Yamwene 1:9

Alino umwene atuma mukalamba wa vita wenga pamwi ni vita amakumi yasano, kuti vikasende Eliya. Mukalamba wa vita wilya ali pakuyazana Eliya ala ali pa mwamba papela. Ali pakumunena ati, “We muntu wakwe Leza, umwene akuti ika.”

1 Yamwene 20:28

Lyene kasema wenga aya anena Aabu umwene waku Izlaeli ati, “Yawe wavwanga wati, ‘Pamulandu wakuti aina Asilya yakuti nene Leza uwamu myamba, lelo insi Leza uwamu manyika, ali cino namaleka kuti ucimvye iumba lya vita lilya nanti likule uli. Lyene alino ulamanya ukuti nene indi Yawe.’ ”

1 Yamwene 17:18

Mangu wilya anena Eliya ati, “Uzye icani cii cino wancitila vii, we kasema wakwe Leza? Uzye wiza kuno ku kwiusya Leza pa maifyo yane kuti aleke umwana wane afwe?”

1 Samueli 2:27

Lyene umuntu wakwe Leza aiza kuli Eli nu kumunena ati, “Yawe watavwanga ndi vino wene waisokolwile umu ng'anda yakwe so pa nsita ino so na ang'anda yakwe yatenzi ku Eguputo wa azya mwakwe Falao.

1 Yamwene 13:26

Lino kasema mukote wino wawelulwisye umuze ku nzila ilya, uvwa ivintu vivyo, avwanga ati, “Eya, ali kasema wakwe Leza wilya wino atayezile amazwi yakwe Yawe. Acili cino Yawe watamutumila cisama uwatamukoma, ndi vivi kwene vino Yawe wavwanzile.”

1 Yamwene 13:1

Api lamulo lyakwe Yawe kasema wakwe Leza ukufuma ku mpanga ya Yuda aya ku Betele, nga afika kweneko ala Leoboamu aimi pipi lwapa kavuwa kuti apeele impolelwa.

1 Samueli 9:6

Lelo umuomvi wakwe amunena ati, “Pembela panono! Mu musumba uu mwaya umuntu wakwe Leza wino antu yacindika sana pamulandu wakuti consi cino walanda cikafikiliziwa. Leka tukamulole. Limwi wene angatunena ukungazanwa yapunda.”

Malango 33:1

Kuu, kuli kupolelela kuno Mose, umuntu wakwe Leza wapolelile aina Izlaeli lino atacili afwe.

Malango 16:20

Fwandi cisi cakwezya ukuya nu lufyengo nanti akasoozi, pakuti mukapoke nu kwikala mu mpanga ino Yawe Leza winu akumupeela na pakuti muce mwikalilile mwenemo.

Neemiya 12:36

Pali na aomvi yauze ndi vino yaa: Syemaya, Azaleli, Milalai, Gilalai, Maai, Netaneli, Yuda na Hanani. Yakwene yanyemulanga ivyakulizizya inyimbo, vyapanzilwe na Davidi umuntu wakwe Leza wilya. Kalemba Ezila uwatungululanga.

Neemiya 12:24

Intunguluzi zya ina Levi zyali ndi vii: Hasyabiya, Syelebiya na Yesyua umwana umonsi wakwe Kadimiyeli, yazwananga na aomvi yauze umu kwimba inyimbo zya kulumbanya nu kucindika ndi muno Davidi kwene umuntu wakwe Leza wilya wapelile ilamulo lyakuti cila umba lilinzile lyakwata uluti lwa kwimba.

1 Milandu 23:14

Lelo ana aonsi yakwe Mose, umuntu wakwe Leza yapendilwe kumwi na amu mutundu wakwe Levi.

1 Yamwene 17:24

Lyene mangu wilya anena Eliya ati, “Icumi lyene alino namanya ukuti wewe muntu wakwe Leza, nu kuti Yawe akavwangila munuli.”

Mapinda 15:9

Yawe wapata imiyele ya antu aipe, lelo wene watemwa yayo akacita vyaololoke.

1 Timoti 1:14

Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.

2 Timoti 2:21

Muntu umwi ndi waisangulula ku vintu viipe vyonsi, wene alaomviwa mu mulimo ucindame, pano wene waipelesya kuya uwa mulimo ukulu ku musambazi wakwe. Wene waiteyanya kucita visuma vyonsi.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,