1 Timoti 6:1 - Amazwi Yakwe Leza 2013

¹ Azya yalinzile kucindika asambazi yao muli vyonsi, pakuti kutaya umwi uwakulandila zina lyakwe Leza nanti usambilizyo witu viipe.

1 Timoti 6:1 Referans Kwoze

Tito 2:5

na kuti yaikanya, yaye asanguluke nupya aci asuma akuyela yaiya. Yene yalinzile kucita cii pakuti kutaya umuntu nanti wenga uwakulandila Ilandwe lyakwe Leza viipe.

Loma 2:24

Malembelo yakati, “Mwe Ayuda, mwemwe mwaleka kuti Akulukuwa yavwanga mazwi ya misuli kuli Leza.”

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Milimo 15:10

Caleka, uzye pacani mukwezya Leza pa kutwika cisendo pa nsizi zya ina Klistu Akulukuwa, cino vikolwe vitu nanti sweswe twaposiwa kusenda?

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 10:7

Lyene mungeli uwalandananga nawe apita, nga Konelio aama aomvi yakwe yaili nga nu musilika. Musilika wii a wenga wamuli yao amutumikilanga nupya wali umuntu uwacitanga viine na ukapepa.

Luka 17:1

Yesu anena alondezi yakwe ati, “Ivintu vikalenga antu kuponela mu maifyo vilinzile kucitika, lelo kalanda ku muntu wino akulenga kuti vicitike.

Mateo 11:30

Pano ikoli lyane lino nkazwika ilyangupale, ni cisendo cino nkatwika citanyooma.”

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

1 Timoti 5:14

Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

Mateo 11:9

Lyene nenini, uzye mwaile kukulola cani? Uzye akasema? Endi, namunena mwaweni alusile kasema.

Ezekelo 36:23

Ndi cakuti nalanga antu ya mitundu yuze vino nemo naya uwamuzilo, nanti angala mwemo mwandetile insonyi kunoyali, lelo yene yalasininkizya ukuti nene indi Yawe. Ivyalanda ne Yawe Simwandalali. Nupya mwemwe kwene ndaleka mukamanyisye antu ya mitundu yuze ukuti nene ndi wamuzilo.

Ezekelo 36:20

Lyene nupya konsi kuno yala yaya, nako kwene yasincindika awe. Na antu yonsi yakavwanga pamulandu wao yati, ‘Antu yaa ali yano Yawe wazinzile mu mpanga ino wene wayapile.’

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Ezaya 52:5

Lelo api lelo mu Babiloni namo ululi lumwi kwene, mwikala mu uzya ukwaula umulandu uno mwatala. Yano yamuteeka uzya pasi pakuyuvwa nu kuiwanzya. Lyene nani kwene pasi pakunsuula insita zyonsi. Kuu kuli kulanda kwakwe Yawe

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

2 Yamwene 5:13

Aomvi yakwe nayo ali pakumupapata yati, “We musambazi we, kasema akunena ukucita icintu cimwi icicindame, ngano watucicita. Uzye icani cino utange uye ukowe sile wakwe muno avwangile, nu kupola upole?”

2 Samueli 12:14

Lelo kwene nanti ciye vivyo, umwana wako wene alinzile ukufwa pano wemo wacisile imisuli kuli Yawe.”

Malango 28:48

Ali cino fwandi lyene mwailetelela, mumaombelanga anisi yano Yawe amatumanga ku kwiza muzanza. Mulauvwa inzala, nu lusala, nga mulapita tupu, nu kuulilwa muli vyonsi. Anisi inu yalamuzunya icikakate mpaka mukononwe.

Utandiko 24:27

Avwanga ati, “Lumbanyini Yawe, Leza wa musambazi wane Abulaamu, wino watafikilizya ulayo wakwe nu utailo ukulu. Leza watantungulula ku ng'anda ya mwina wa musambazi wane.”

Utandiko 24:12

Alino apepa ati, “We Yawe, Leza wakwe Abulaamu umusambazi wane, ilelo fikilizya ulayo wako ku musambazi wane.

Utandiko 24:2

Alino Abulaamu anena muomvi wakwe uwali akalolela wa vyuma vyakwe vyonsi ati, “Pisya makasa yako mu mpamba zyane nu kulapa.

Utandiko 16:9

Mungeli wakwe Yawe ati, “Swilila kuli Salai nu kuya ikala mwi sunde lyakwe wa muzya.”