1 Timoti 5:20 - Amazwi Yakwe Leza 2013

²⁰ Wakalipila apaswe yao yonsi akaifya, pakuti asyala yuvwe intete.

1 Timoti 5:20 Referans Kwoze

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Tito 1:13

Pamulandu kwene uu, wemo ulinzile kuyanenola cuze, pakuti utailo wao uye uwa mpomvu.

Milimo 5:11

Lino iuvi lyonsi nga na antu yauze yonsi yuvwa cii, yuvwile intete cuze.

Malango 13:11

Lyene aina Izlaeli yaluvwa icacitika, yaye ni ntete, nga kusi umwi alacita ulukota lwa musango uwo nupya.

1 Timoti 1:20

Imeneo na Alekizanda, antu yaa oili amuli yao aonona utailo. Yaa nayapeela mu makasa yakwe Ciwa kuti yasambilile yate yatacivwanga mazwi ya misuli kuli Leza.

Milimo 5:5

Lilyo kwene lino Ananiya uvwa mazwi yaa, apona pansi, afwa. Lyene antu yonsi auvwile cii, yuvwa intete cuze.

Malango 21:21

Lyene aonsi yonsi amu musumba yalinzile kumutama na mawe mpaka afwe, nga vivyo avino mulasisya inkota pakasi kinu. Cila muntu mu Izlaeli aluvwa icacitika nga aye ni ntete.

Malango 19:20

Lyene antu yonsi lino yaca yuvwa vivyo, yalaya ni ntete, cakuti kutalaya nanti umwi uwakuti aswilizye icamusango ndi uwo.

Malango 17:13

Lyene antu yonsi yaluvwa icacitika, yaye ni ntete, nga kusi umwi alacita icamusango uwo nupya.”

Milimo 19:17

Ayuda na Akulukuwa aikalanga mu Efeso yuvwile pali cii. Lyene yonsi yuvwa intete cuze, nga ni zina lya Mwene Yesu licindikwa cuze.

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

2 Kolinto 7:11

Mulole vino Leza wacita pa ulanda kwene uu, wamulenga kuya amukozya, nu kulenga musininkizye ukuti mwemwe yakaele, wamulenga kusoka, wamulenga kuvwa intete nu kulondesya kundola, wamulenga kuti muvunuke muntu pa kuluvyanya kwakwe. Vii vyonsi vikulanga paswe kuti mwemwe yakaele.

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.