1 Timoti 5:18 - Amazwi Yakwe Leza 2013

¹⁸ Pano malembelo yakati, “Utanyepa cipambasi mulomo lino ukumuomvya kuti alyatole ingano pakupuula” nga “Muomvi nawe alinzile kupelwa malipilo yakwe.”

1 Timoti 5:18 Referans Kwoze

Malango 25:4

“Utanyepa masaye umulomo lino ukumuomvya kuti alyatole ingano pakupuula.

1 Kolinto 9:14

Mu musango uli onga kwene, Mwene nawe wapela ilamulo lyakuti yao akakosola Ilandwe yalinzile kupelwa vyakulya kufuma mu kukosola kwao.

Luka 10:7

Ikalini mu ng'anda kwene iyo, mulye nu kumwa consi cino yamupeela. Pano muomvi alinzile apelwe malipilo yakwe. Mutapitana mu misolo.

Mateo 10:10

Mutasenda mufuko wa kulengelamo vimwi pa lwendo lwinu, nanti cakuzwala na cuze, nanti ndyatu nanti intuwa. Pano muomvi camulinga kupelwa vilondwa vyakwe.

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

Loma 10:11

Pano calembwa mu malembelo cati, “Wino wensi uwamutaila wene atalacitwa insonyi.”

Loma 9:17

Pano calembwa mu malembelo ukuti, Leza wanenyile Falao ati, “Cino nakwikila pa wene, apakuti nkuomvye kuti ndange maka yane munuli, na pakuti izina lyane limanyike mu nsi yonsi.”

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Loma 11:2

Leza atafutatila antu yakwe yano wasolwile kufuma ku utandiko wa uumbo. Uzye mutakwiusya vino calembwa mu malembelo ukuti Eliya wailizyanyizye kuli Leza pamulandu wa ina Izlaeli ati,

Loma 4:3

Pano malembelo yakati, “Abulaamu wataile Leza, nga pamulandu wa utailo wakwe, Leza wamuzumila kuya mololoke pa manso yakwe.”