1 Timoti 5:17 - Amazwi Yakwe Leza 2013

¹⁷ Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

1 Timoti 5:17 Referans Kwoze

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

Luka 10:7

Ikalini mu ng'anda kwene iyo, mulye nu kumwa consi cino yamupeela. Pano muomvi alinzile apelwe malipilo yakwe. Mutapitana mu misolo.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

2 Timoti 2:6

Mulimi wino akaombesya alinzile kuya wankolelo ukwankanyiwa vyati vizombolwa.

Filipi 2:29

Mumuzengele nu luzango wa mwina akatumikila Mwene. Mwapeela mucinzi ku antu yonsi ali nga aliwe,

Loma 12:8

Ndi twapelwa uwila wa kukomelezya yauze, mu cumi tulinzile kuyakomelezya. Wino wensi akwankana na auze vintu vino akweti, mu cumi alinzile apeele kwaula kuitemwa. Wino wensi ali pa utunguluzi, mu cumi alinzile aombesye ningo. Wino wensi akucitila auze milimo ya luse, mu cumi alinzile acita ni nsansa.

Milimo 28:10

Yatupela mawila aingi, ni vikalondekwa pa ulendo, nga lino twapatama mu wato tufumako.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Loma 16:12

Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene.

Loma 15:27

Ku kwali kusola kwao. Lelo ukwankanya impiya zyao ku Ayuda cali wa kulipa inkongole, pano Ayuda yalanga yankanyako Akulukuwa kupolelelwa kwao kwa mu mwenzo.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

1 Kolinto 16:16

londelini utunguluzi uwa antu ali ndi yaa, nga nayauze yano akaomba nu kutumikila pamwi nao.

Milimo 11:30

Vii, avino yacisile nga yapela Saulo na Banaba musangulo uwo kuti yatwale.

2 Yamwene 2:9

Lino yalamba, Eliya anena Elisya ati, “Unene, uzye icani cino ningakucitila lino ntali nsendwe ukufuma kunuli?” Elisya nawe aasuka ati, “Umpeele amaka yamwi akuti inje vino waya.”

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

1 Timoti 3:5

Ndi cakuti wene atamanyile vya kusunga amu ng'anda yakwe ningo, uzye lyene angasunga uli iuvi lyakwe Leza?

Filipi 2:16

lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.

Mateo 24:25

Uvwini! Nati munena cii lino nsita itali ifike.

Ayebulai 13:24

Mutulamukile intunguluzi zinu zyonsi pamwi na antu yakwe Leza onsi. Aina itu aku Italya yamulamuka.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Yoane 4:38

Mwemo namutuma ku kuzombola mu vyalo vino mutalimile. Yauze ayano yalimile, nga namwe mukazana muzano pali vino yaomba.”

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Zakaliya 9:12

Swililinimo mwe azya mwemuno mukalolela ukukululwa, swililini ku mwinu kwa kwikalilila umutende. Ilelo kwene namunena ukuti ndamulambula amaila yaili, pali vyonsi sile vino mwaculile.

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

1 Timoti 5:3

Uwacindika nu kwazwa yamukamfwilwa asi na yakazwilizya.

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

1 Timoti 4:14

Utatazyela uwila wa mupasi uno uli munuli, nupya uwapilwe kunuli lino yakasema yavwanzile na ikolo yakupolelile apa kwika makasa yao panuli.

1 Timoti 5:19

Utauvwa ku muntu akulongwela wikolo wi uvi suka ndi pali antu yaili nanti yatatu akuzumilizya vino cumi wikolo waponga.

Mpendwa 18:31

Ali cino mwemo pamwi na amu ng'anda zinu mungalya ivyasyala apali ponsi, pamulandu wakuti ali malipilo inu pa milimo ino mukaomba mwi Taalu lya Ukongano.

Malango 18:8

Wene alinzile kupelwa cipimo icili cimwi ca vyakulya ndi cico cikapelwa kuli yasimapepo yauze, nupya wene angasunga icili consi cino ang'anda yakwe yamutumila.