1 Timoti 5:14 - Amazwi Yakwe Leza 2013

¹⁴ Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

1 Timoti 5:14 Referans Kwoze

Tito 2:5

na kuti yaikanya, yaye asanguluke nupya aci asuma akuyela yaiya. Yene yalinzile kucita cii pakuti kutaya umuntu nanti wenga uwakulandila Ilandwe lyakwe Leza viipe.

1 Timoti 6:1

Azya yalinzile kucindika asambazi yao muli vyonsi, pakuti kutaya umwi uwakulandila zina lyakwe Leza nanti usambilizyo witu viipe.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.

1 Timoti 4:3

Antu yaa, yakasambilizya ukuti cisi cisuma kutwala, nupya yakainda kulya vyakulya vimwi. Lelo Leza waumvile vyakulya vii kuti vyaliwa ni ntaizyo kunoli na yao ataila nupya amanya cumi.

Danieli 6:4

Lyene angalizi yauze pamwi na alasi yezya kulondelezya imilandu mu miombele yakwe Danieli, lelo yaposiwe kuzana umwi, pamulandu wakuti Danieli wali uwakutailwa nupya wene atacitanga cimwi ciipe nanti caucenjezi.

Mapinda 14:1

Umwanaci wa mano akakuula ing'anda yakwe, lelo umutumpe wene akaipasa uku vicitwa vyakwe.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

1 Timoti 5:11

Lelo utapendelako yamukamfwilwa akazyana. Wakana kuyalemba mwi umba lilyo, pano yacililonda kutwalwa yangapulolwa ni vya nsi nu kufutatila Klistu.

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

2 Kolinto 11:12

Namatwalilila kucita vino ncili cita na ndakai, pakuti yao akaitaka kuya atumwa yatakakwate nzila yakuti yaitumikamo kucita vintu vili vimwi na vino swemo tukucita.

Loma 14:13

Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

2 Samueli 12:14

Lelo kwene nanti ciye vivyo, umwana wako wene alinzile ukufwa pano wemo wacisile imisuli kuli Yawe.”

Utandiko 18:9

Lyene yamuzya yati, “Uzye Sala, umuci wako ali kwi?” Abulaamu nawe aasuka ati, “Ali mwi taalu.”

Utandiko 18:6

Alino Abulaamu acincila aingila mwi taalu nga anena Sala ati, “Kalauka, tola yagaloni ya usu wa ngano, kanda umunya upange mikate.”

Yelemiya 29:6

Twalanini muvyale ana yakalume na yakaci. Mulondele ana yinu aci yampomvu, apakuti yakavyalemo ana aonsi na anaci, muce musanduluke kuko kwene mutakacepe foo.