1 Timoti 3:11 - Amazwi Yakwe Leza 2013

¹¹ Aci yao nao kwene yalinzile kukwata mwata usuma nupya yatalinzile kuya akwakwa. Yene yatalinzile kukuma ku ukolesi nupya yalinzile kuya acumi muli vyonsi vino yakucita.

1 Timoti 3:11 Referans Kwoze

Tito 2:3

Mu musango uli onga kwene wakonkomezya anaci aikolo kuti mwata wao waya ndi vino anaci amuzilo yalinzile kuya. Yene yatalinzile kuya nu ukwakwa nanti kutekwa uzya nu ukolesi. Yene yalinzile kusambilizya visuma,

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

2 Timoti 3:3

Yene yatalaya nu luse na mizu, yene yalaya akwakwa, alwete nupya akakate. Yalapata visuma.

Mapinda 10:18

Umuntu akafisa ulupato lwakwe uwantumpu, lelo uwa lwambo wene iciwelewele.

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

1 Timoti 6:2

Azya yano asambazi yao aina Klistu yene yalusyepo kufuka kunoyali, pano yene aina yao. Yalinzile kuyatumikila ningo kuluta, pano yakutumikila asambazi nupya atemwikwa yao mu utailo. Ulinzile kusambilizya nu kukosola vintu vii.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

Yoane 6:70

Yesu nawe avwanga ati, “Uzye ntamusolwile mwemwe ikumi na yaili? Lelo wenga uwa munomuli wene u Musomvi.”

Mateo 4:1

Lyene Mupasi Wamuzilo atungulula Yesu ku lwanga kuti akatunkwe na Ciwa.

Ezekelo 44:22

Nupya simapepo atalinzile kutwala mukamfwilwa nanti umwanaci wino yata kuli iya. Lelo angatwala umwanaci umwina Izlaeli nanti mukamfwilwa wino iya wali a simapepo.

Yelemiya 9:4

“Umuntu wensi alinzile wasopa cuza wakwe, nga kusi nu wakutaila umwina. Pano cila mwina umucenjezi ku muze ndi vino Yakobo wali. Nga cila wenga akaamba umuze.

Mapinda 25:13

Ivyaya ukuzuka kwakwe cuma umu nsita yakusinza, ali vino inkombe yacisinka yaya kuli wiyo aitumile. Pano ikakolopezya umwenzo wa musambazi wakwe.

Masamu 101:5

Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

Masamu 50:20

Mwikalila sile ukusombezya anyonko nu kulondelezya utumilandu utwakuyazewanya.

Masamu 15:3

Awiyo wino ululimi lwakwe lusitumpoka, wiyo asicita iviipe uku muze nanti ukuletela umuze umuzewanya.

Aina Levi 21:7

Simapepo atalinzile kutoola umwanaci cizelele ukuya umuci wakwe nanti umwanaci wino iya wamuta. Simapepo uwamuzilo.

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,