1 Timoti 1:20 - Amazwi Yakwe Leza 2013

²⁰ Imeneo na Alekizanda, antu yaa oili amuli yao aonona utailo. Yaa nayapeela mu makasa yakwe Ciwa kuti yasambilile yate yatacivwanga mazwi ya misuli kuli Leza.

1 Timoti 1:20 Referans Kwoze

2 Timoti 2:17

Kusambilizya kwa musango uu, kukoline wa mpofya itangapoziwa. Antu yaili yano akasambilizya vintu vya musango uu a Himenaesi na Filetusi.

1 Kolinto 11:32

Lelo lino tukapingulwa tukasundwa nu Mwene kuti tusambilile tutakavunukwe pamwi na antu amu nsi.

2 Tesalonika 3:15

Mutamucita wa mwanisi. Lelo mulinzile kumusoka wa mwina kunomuli.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

Milimo 19:33

Antu yamwi yelenginye ukuti Alekizanda ali mwine wa mulandu pano Ayuda ala yati yamukolezya yakumukunkizya. Lyene Alekizanda avwanga ala akuomvya ikasa ku antu ukuti yamyalale, aezya kuivwangila.

Umbwilo 13:1

Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.

2 Timoti 3:2

Antu yalaitemwa, atemwisya impiya, yalaitumika, a cilumba, akanyati, yatalayela akwasi yao, yatalataizya, nupya yatalalonda vyauleza.

2 Timoti 2:14

Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

2 Kolinto 10:6

Lyene lino mwamuyela cuze, naswe tulavunuka muntu ali wensi wino akakana kuyela.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

Mateo 18:17

Ndi wakana kuvwa kunoyali, kanene iuvi. Ndi wakana kuvwa nu kwi uvi kwene, mumucite wa muntu atataila Leza nanti wakwe kasonkisya.

1 Timoti 5:15

Pano yamukamfwilwa yamwi yafutatila Klistu mpiti kuti yalondele Ciwa.

Ayebulai 12:5

Uzye mwati mwilila mazwi yakukomelezya yano Leza akalanda kunomuli wa ana? Wene akuti, “We mwanane, utasuula vino Mwene akukusunda, nupya utatompoka lino wene akukunenola.